കഴിഞ്ഞ 20 വർഷമായി ദുബായിൽ സേവനമനുഷ്ഠിച്ച മസ്ജിദുകളിലെ ഇമാമുമാർ, മതപ്രഭാഷകർ, മുഅദ്ദീൻ, മുഫ്തികൾ, മത ഗവേഷകർ എന്നിവർക്ക് ഗോൾഡൻ വിസ നൽകുമെന്ന് ദുബായ് കിരീടാവകാശി ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം. അവരുടെ ദീർഘകാല സേവനത്തിന്റെ അഭിനന്ദന സൂചകമായാണ് ഈ ഗോൾഡൻ വിസകൾ കൊടുക്കാനുള്ള തീരുമാനമെന്ന് ഷെയ്ഖ് ഹംദാൻ അറിയിച്ചു.
കൂടാതെ, ഈദുൽ ഫിത്തറിൽ അവർക്ക് സാമ്പത്തിക പ്രതിഫലം ലഭിക്കും. ദുബായിലെ ഇമാമുമാരുടെയും മ്യൂസിൻമാരുടെയും ശമ്പളം വർധിപ്പിച്ച് മാർച്ചിൽ ഷെയ്ഖ് ഹംദാൻ ഉത്തരവിട്ടിരുന്നു.
ദുബായിലെ ഇസ്‌ലാമിക് അഫയേഴ്‌സ് ആൻഡ് ചാരിറ്റബിൾ ആക്‌റ്റിവിറ്റീസ് ഡിപ്പാർട്ട്‌മെൻ്റിൻ്റെ കീഴിൽ പ്രവർത്തിക്കുന്ന പള്ളികളിൽ സേവനമനുഷ്ഠിക്കുന്നവർക്കാണ് നിരക്ക് വർധന ബാധകമാകുക. ജനറൽ അതോറിറ്റി ഫോർ ഇസ്‌ലാമിക് അഫയേഴ്‌സ് ആൻഡ് എൻഡോവ്‌മെൻ്റിന് (ജിഎഐഎഇ) കീഴിൽ പ്രവർത്തിക്കുന്ന ഇമാമുമാരും മ്യൂസിനുകളും ഉൾപ്പെടെ എല്ലാ പള്ളി ജീവനക്കാർക്കും അടിസ്ഥാന ശമ്പളത്തിൻ്റെ 50 ശതമാനത്തിന് തുല്യമായ പ്രതിമാസ സാമ്പത്തിക അലവൻസ് നൽകാൻ യുഎഇ പ്രസിഡന്റും നിർദ്ദേശം നൽകിയിരുന്നു
