അടിയന്തര സാഹചര്യങ്ങളിൽ അതിവേഗം പ്രതികരിച്ച് റെക്കോർഡ് തീർത്ത് ദുബായ് പൊലീസ്. നടപ്പുവർഷത്തെ മൂന്നാം പാദത്തിൽ 2 മിനിറ്റും 24 സെക്കൻഡും കൊണ്ട് ശ്രദ്ധേയമായ ശരാശരി അടിയന്തര പ്രതികരണ സമയം നേടിയിരിക്കുകയാണ് ദുബായ് പൊലീസ്. അതായത് പരാതി ലഭിച്ചതിന് ശേഷം 2 മിനിറ്റും 24 സെക്കൻഡും കൊണ്ട് ദുബായ് പൊലീസിന്റെ മറുപടി എത്തും.
കമാൻഡ് ആൻഡ് കൺട്രോൾ സെന്ററിലെയും പട്രോൾ വിഭാഗത്തിലെയും ഉദ്യോഗസ്ഥർ സുരക്ഷ നിലനിർത്തുന്നതിൽ വഹിച്ച പ്രധാന പങ്കിനെ ദുബായ് പോലീസിലെ തുറമുഖകാര്യ അസിസ്റ്റന്റ് കമാൻഡർ ഇൻ ചീഫ് മേജർ ജനറൽ പൈലറ്റ് അഹ്മദ് മുഹമ്മദ് ബിൻ താനി അഭിനന്ദിച്ചു.
ഓപ്പറേഷൻസ് അഫയേഴ്‌സ് അസിസ്റ്റന്റ് കമാൻഡർ-ഇൻ-ചീഫ് മേജർ ജനറൽ അബ്ദുല്ല അലി അൽ ഗൈത്തി പങ്കെടുത്ത മൂന്നാം പാദത്തിലെ ജനറൽ ഡിപ്പാർട്ട്‌മെന്റ് ഓഫ് ഓപ്പറേഷൻസിന്റെ പ്രകടന വിലയിരുത്തൽ മീറ്റിംഗിലാണ് ഈ പരാമർശങ്ങൾ ഉണ്ടായത്. മേജർ ജനറൽ ഡോ. മുഹമ്മദ് നാസർ അബ്ദുൾ റസാഖ് അൽ റസൂക്കി, ജനറൽ ഡിപ്പാർട്ട്‌മെന്റ് ഓഫ് ഓപ്പറേഷൻസ് ഡയറക്ടർ, അദ്ദേഹത്തിന്റെ ഡെപ്യൂട്ടി ബ്രിഗേഡിയർ തുർക്കി ബിൻ ഫാരെസ്; ബ്രിഗേഡിയർ ഖാലിദ് സയീദ് ബിൻ സുലൈമാൻ, റെഗുലേറ്ററി ഓഫീസ് ഡെപ്യൂട്ടി ഡയറക്ടർ ഡോ. കേണൽ എഞ്ചിനീയർ അബ്ദുല്ല അൽ-മുല്ല, കമ്മ്യൂണിക്കേഷൻസ് ആൻഡ് ടെക്നോളജി അഫയേഴ്‌സ് ജനറൽ ഡിപ്പാർട്ട്‌മെന്റ് ഡെപ്യൂട്ടി ഡയറക്ടർ, ജനറൽ ഡിപ്പാർട്ട്‌മെന്റുകളുടെയും പോലീസ് സ്റ്റേഷനുകളുടെയും നിരവധി ഡയറക്ടർമാർ യോഗത്തിൽ പങ്കെടുത്തു. മൂന്നാം പാദത്തിലെ എമർജൻസി കോൾ നമ്പർ (999) സ്ഥിതിവിവരക്കണക്കുകളും മേജർ ജനറൽ ബിൻ താനിയെ അറിയിച്ചു. കമാൻഡ് ആൻഡ് കൺട്രോൾ സെന്ററിന് 2,237,016 കോളുകൾ ലഭിച്ചു, 2,201,981 കോളുകൾക്ക് 10 സെക്കൻഡിനുള്ളിൽ മറുപടി ലഭിച്ചു.
