ചൈന മുതൽ തുർക്കി വരെ: ഗ്ലോബൽ വില്ലേജിൽ പുതുവർഷം പിറക്കുക ഏഴ് തവണ

പുതുവർഷ ആഘോഷത്തിനായി കാത്തിരിക്കുകയാണ് ദുബായിലെ ​ഗ്ലോബൽ വില്ലേജ്. എല്ലായിടത്തും ഒറ്റതവണ കരിമരുന്ന് കലാപ്രകടനത്തോടെ പുതുവർഷ ആഘോഷം കഴിയും. എന്നാൽ ​​ഗ്ലോബൽ വില്ലേജിൽ ഏഴ് തവണയാണ് ഒറ്റരാത്രി കൊണ്ട് പുതുവർഷം പിറക്കുന്നത്. ലോകമെമ്പാടുമുള്ള പുതുവർഷം ​ഗ്ലോബർ വില്ലേജ് ആഘോഷമാക്കുകയാണ്.

ഏഴ് രാജ്യങ്ങളിലെ വ്യത്യസ്ത സമയ മേഖലകളെ ആശ്രയിച്ച് ഏഴ് അർദ്ധരാത്രികളെ അടയാളപ്പെടുത്തുന്നതിനാൽ ഏഴ് തവണ ആഘോഷം നടക്കും. ചൈന മുതൽ തുർക്കി വരെ, രാത്രി 8 മണി മുതൽ പുലർച്ചെ 1 മണി വരെ ഓരോ മണിക്കൂറിലും വ്യത്യസ്‌തമായ പുതുവത്സര ആഘോഷങ്ങൾ ആസ്വദിക്കാൻ അതിഥികളെ ​ഗ്ലോബൽ വില്ലേജ് ക്ഷണിക്കുകയാണ്. ഗ്ലോബൽ വില്ലേജിന്റെ ഗേറ്റുകൾ വൈകുന്നേരം 4 മണിക്ക് തുറക്കും, പ്രവർത്തന സമയം ഡിസംബർ 30 ന് പുലർച്ചെ 1 വരെയും ഡിസംബർ 31 വരെ പുലർച്ചെ 2 വരെയും നീട്ടി.

വെടിക്കെട്ട് ഷെഡ്യൂൾ രാജ്യം സമയം എന്ന ക്രമത്തിൽ

ചൈന – രാത്രി 8 മണി
തായ്‌ലൻഡ് – രാത്രി 9 മണി
ബംഗ്ലാദേശ് -രാത്രി 10 മണി
ഇന്ത്യ -രാത്രി 10.30
പാകിസ്ഥാൻ രാത്രി- 11
യുഎഇ -12 മണി
തുർക്കി -1 മണി