ദുബായ് കസ്റ്റംസ് എമിറേറ്റിലെ തുറമുഖങ്ങളിൽ നടത്തിയ ഇരട്ട ഓപ്പറേഷനിൽ വൻതോതിൽ മയക്കുമരുന്ന് പിടികൂടി. ഓപ്പറേഷൻ ഡബിൾ സ്‌ട്രൈക്കിൽ ദുബായ് കസ്റ്റംസിലെ സീ കസ്റ്റംസ് സെൻ്റർ മാനേജ്‌മെൻ്റിലെ ഉദ്യോഗസ്ഥർ ഏഷ്യൻ രാജ്യത്ത് നിന്ന് വന്ന ഭക്ഷ്യവസ്തുക്കളുടെയും മെഡിക്കൽ ഉപകരണങ്ങളുടെയും ഇടയിലാണ് ഒളിപ്പിച്ച നിലയിൽ മയക്കുമരുന്ന് ഗുളികകൾ കണ്ടെത്തിയത്.
32.8 ദശലക്ഷം മയക്കുമരുന്ന് ഗുളികകളാണ് പിടിച്ചെടുത്തത്.സ്മാർട്ട് കസ്റ്റംസ് അന്തർവാഹിനികൾ ഉപയോഗിച്ച് ഡെയ്‌റ വാർഫേജ് കസ്റ്റംസ് സെൻ്ററിൽ നിന്ന് 227 കിലോഗ്രാം ഭാരമുള്ള 1.2 ദശലക്ഷം ക്യാപ്റ്റഗൺ ഗുളികകളും പിടിച്ചെടുത്തു. അതേസയമം ഓപ്പറേഷൻ ഡബിൾ സ്‌ട്രൈക്കിൽ പിടിച്ചെടുത്ത ഗുളികകളുടെ മൂല്യം അധികൃതർ വെളിപ്പെടുത്തിയിട്ടില്ല.
കഴിഞ്ഞ തിങ്കളാഴ്ച അബുദാബിയിൽ 4.5 ദശലക്ഷം ക്യാപ്റ്റഗൺ ഗുളികകൾ കടത്താൻ ശ്രമിച്ച ഒരാളെ പൊലീസ് വൻതോതിൽ നിരോധിത മയക്കുമരുന്ന് കടത്താൻ പദ്ധതിയിട്ടിരുന്ന ആളാണ് പോലീസ് പിടിയിലായത്. 32 മില്യൺ ദിർഹം വിലമതിക്കുന്ന 111 കിലോ മയക്കുമരുന്ന് വിൽക്കാൻ ലക്ഷ്യമിട്ടുള്ള മൂന്ന് ക്രിമിനൽ ഓപ്പറേഷനുകളും കഴിഞ്ഞ മാസം ദുബായ് പോലീസ് പരാജയപ്പെടുത്തിയിരുന്നു.
