ഡൽഹി-ദുബായ് റൂട്ടിൽ ആദ്യ എയർബസ് സർവീസിന് എയർ ഇന്ത്യ തുടക്കം കുറിച്ചു. ഇന്ത്യയുടെ ഫ്ലാഗ് കാരിയറായ എയർ ഇന്ത്യ പുതിയ എയർബസ് A 350-900 വിമാനവുമായാണ് ഡൽഹി-ദുബായ് റൂട്ടിൽ സർവീസ് ആരംഭിച്ചത്. ഇതോടെ ഇന്ത്യയ്ക്കും ദുബായ്ക്കുമിടയിൽ A350 വിമാനം പ്രവർത്തിപ്പിക്കുന്ന ഏക കാരിയറായി എയർ ഇന്ത്യ മാറുകയും ചെയ്തു.
2022-ലാണ് ടാറ്റ ഗ്രൂപ്പ് എയർ ഇന്ത്യയെ ഏറ്റെടുക്കുന്നത്. നിലവിൽ അഞ്ച് ഇന്ത്യൻ നഗരങ്ങളിൽ നിന്ന് ദുബായിലേക്ക് ആഴ്‌ചയിൽ 72 വിമാനങ്ങൾ എയർ ഇന്ത്യയുടേതായി സർവീസ് നടത്തുന്നുണ്ട്. അതിൽ 32 വിമാനങ്ങളും ഡൽഹിയിൽ നിന്നാണ്. കഴിഞ്ഞ വർഷം 70 ബില്യൺ ഡോളർ വിലമതിക്കുന്ന 250 എയർബസ് വിമാനങ്ങൾക്കും 220 പുതിയ ബോയിംഗ് ജെറ്റുകൾക്കുമുള്ള ഓർഡർ എയർ ഇന്ത്യ നൽകിയിരുന്നു.
