യുഎഇയിലെ സ്വ​കാ​ര്യ ട്യൂ​ഷ​ൻ പെർമിറ്റിന് പെരുമാറ്റചട്ടം

യുഎഇയിൽ സ്വ​കാ​ര്യ ട്യൂ​ഷ​നു​ക​ൾ​ക്ക് വ​ർ​ക്ക് പെ​ർ​മി​റ്റ് നേ​ടു​ന്നവർ സ്വന്തം സ്കൂ​ളു​ക​ളി​ലെ വി​ദ്യാ​ർ​ഥി​ക​ൾ​ക്ക്​ ത​ന്നെ ട്യൂ​ഷ​ൻ എ​ടു​ക്കരുതെന്ന് നിർദ്ദേശം. സ്വ​കാ​ര്യ ട്യൂ​ഷ​നു​ക​ൾക്ക് പെർമിറ്റ് അനുവദിക്കുന്നതുമായി ബന്ധപ്പെട്ട പെരുമാറ്റച്ചട്ടത്തിലാണ് മാ​ന​വ വി​ഭ​വ ശേ​ഷി, സ്വ​ദേ​ശി​ വ​ത്​​ക​ര​ണ മ​ന്ത്രാ​ല​യം ഇക്കാര്യം വ്യക്തമാക്കിയത്.ക​ഴി​ഞ്ഞ ഡി​സം​ബ​ർ മുതൽ യോഗ്യരായ അധ്യാപകർക്ക് സ്വ​കാ​ര്യ ട്യൂ​ഷ​ൻ പെ​ർ​മി​റ്റി​നായി​ അ​പേ​ക്ഷി​ക്കാൻ അവസരം ലഭിച്ചിരുന്നു.

വി​ദ്യാ​ർ​ഥി​ക​ളെ വാ​ക്കാ​ലോ ശാ​രീ​രി​ക​മാ​യോ ശി​ക്ഷി​ക്ക​രു​ത്, ര​ക്ഷി​താ​ക്ക​ളു​ടെ​യും വി​ദ്യാ​ർ​ഥി​ക​ളു​ടെ​യും വി​വ​ര​ങ്ങ​ൾ സ്വ​കാ​ര്യ​മാ​യി സൂ​ക്ഷി​ക്ക​ണം, രാ​ജ്യ​ത്തെ നി​യ​മ​ങ്ങ​ളോ​ടും സം​സ്കാ​ര​ത്തോ​ടും യോ​ജി​ക്കാ​ത്ത​തോ തീ​വ്ര​വാ​ദ​പ​ര​മോ മ​റ്റോ ആ​യ ആ​ശ​യ​ങ്ങ​ൾ കു​ട്ടി​കളെ പഠിപ്പിക്കരുത് തു​ട​ങ്ങി​യ കാ​ര്യ​ങ്ങ​ളും പെ​രു​മാ​റ്റ​ച്ച​ട്ട​ത്തി​ൽ ഉൾപ്പെടുത്തിയിട്ടുണ്ട്. ക്ലാ​സ്​ റൂ​മി​ന്​ പു​റ​ത്ത്​ അ​ധ്യാ​പ​ക​ർ അ​ന​ധി​കൃ​ത​മാ​യി വി​ദ്യാ​ർ​ഥി​ക​ൾ​ക്ക്​ സ്വ​കാ​ര്യ ട്യൂ​ഷ​ൻ എ​ടു​ക്കു​ന്ന​ത്​ ത​ട​യു​ക​യും പ​ഠ​ന​നി​ല​വാ​രം മെ​ച്ച​പ്പെ​ടു​കയുമാണ് പെരുമാറ്റച്ചട്ടത്തിൻ്റെ ലക്ഷ്യം.

ര​ജി​സ്റ്റ​ർ ചെ​യ്ത അ​ധ്യാ​പ​ക​ർ, വിവിധ മേ​ഖ​ല​കളിലെ അധ്യാപനത്തിന് യോഗ്യരായ ജീ​വ​ന​ക്കാ​ർ, തൊ​ഴി​ൽ ര​ഹി​ത​ർ, 15 മു​ത​ൽ 18 വ​രെ പ്രാ​യ​മു​ള്ള യൂ​നി​വേ​ഴ്​​സി​റ്റി വി​ദ്യാ​ർ​ഥി​ക​ൾ എ​ന്നി​വ​ർ​ക്ക്​ ​പെ​ർ​മി​റ്റി​ന്​ അ​പേ​ക്ഷി​ക്കാനാകും. രണ്ടുവർഷത്തേക്കാണ് പെർമിറ്റ് അനുവദിക്കുക. സൗ​ജ​ന്യ​മാ​യാ​ണ്​ പെ​ർ​മി​റ്റ്​ ന​ൽ​കു​ന്ന​ത്. മാ​ന​വ​വി​ഭ​വ ശേ​ഷി മ​ന്ത്രാ​ല​യ​ത്തി​ന്‍റെ ഡി​ജി​റ്റ​ൽ പ്ലാ​റ്റ്​​ഫോ​മു​ക​ൾ വ​ഴി അ​പേ​ക്ഷ സ​മ​ർ​പ്പി​ക്കാനാകും.

മ​ന്ത്രാ​ല​യം അം​ഗീ​ക​രി​ച്ച പെ​രു​മാ​റ്റ​ച്ച​ട്ടം അ​ട​ങ്ങി​യ രേ​ഖ​യി​ൽ ഒ​പ്പി​ട്ടു ന​ൽ​കി​യാ​ൽ അഞ്ച് ദിവസത്തിനകം പെ​ർ​മി​റ്റ്​ അ​നു​വ​ദി​ക്കും. ഏതെങ്കിലും കാരണത്താൽ അ​പേ​ക്ഷ നി​ര​സി​ക്കപ്പെട്ടാൽ ആ​റു മാ​സ​ത്തി​നു​ശേ​ഷം വീ​ണ്ടും അ​പേ​ക്ഷിക്കാം. ഓൺലൈൻ ട്യൂഷനുകൾക്കും പെർമിറ്റ് അനിവാര്യമാണ്.