ബിഗ് 5 എക്സിബിഷന് നവംബർ 26-ന് ദുബായിൽ തുടക്കമാകും. പശ്ചിമേഷ്യൻ പ്രദേശങ്ങൾ, ആഫ്രിക്ക, തെക്കൻ ഏഷ്യ എന്നിവിടങ്ങളിൽ കെട്ടിട നിർമ്മാണമേഖലയുമായി ബന്ധപ്പെട്ട് സംഘടിപ്പിക്കുന്ന ഏറ്റവും വലുതും പ്രധാനപ്പെട്ടതുമായ പ്രദർശനമാണ് ബിഗ് 5 എക്സിബിഷൻ.
ദുബായ് വേൾഡ് ട്രേഡ് സെന്ററിൽ വെച്ച് നവംബർ 26 മുതൽ നവംബർ 29 വരെയാണ് ബിഗ് 5 എക്സിബിഷൻസ് സംഘടിപ്പിക്കുന്നത്. 165 രാജ്യങ്ങളിൽ നിന്നായി 2,500 പ്രദർശകർ, 230 പ്രഭാഷകർ തുടങ്ങിയവർ പ്രദർശനത്തിൽ പങ്കെടുക്കുമെന്ന് അധികൃതർ വ്യക്തമാക്കി.
