ഒമാനിൽ ശക്തമായ മഴ തുടരുകയാണ്. കനത്തമഴയിൽ ഉണ്ടായ ഒഴുക്കിൽപെട്ട് ആലപ്പുഴ സ്വദേശി മരിച്ചതായാണ് റിപ്പോർട്ട്. ശർഖിയ ഗവർണറേറ്റിലെ ഹിബ്ര മേഖലയിലാണ് സംഭവമുണ്ടായത്.
അതേസമയം മരണപ്പെട്ടയാളുടെ മറ്റ് വിവരങ്ങൾ ലഭ്യമായിട്ടില്ല. നിലവിൽ മരിച്ചയാളുടെ മൃതേദഹം അപകടം നടന്ന സ്ഥലത്തെ ആശുപത്രിയിൽ സൂക്ഷിച്ചിരിക്കുകയാണ്. ഒമാനിലും യുഎഇയിലുമായി കഴിഞ്ഞ 2 ദിവസമായി അസ്ഥിരമായ കാലാവസ്ഥ തുടരുകയാണ്. പുറത്തിറങ്ങുന്നവർക്കും വാഹനമോടിക്കുന്നവർക്കും അധികൃതർ മുന്നറിയിപ്പുകൾ നൽകി വരുന്നുണ്ട്.
