അബുദാബിയിൽ നിന്ന് ദുബായിലേക്കുള്ള റൂട്ടിലെ രണ്ട് പ്രധാന റോഡുകൾ അടച്ചിടുമെന്ന് മുന്നറിയിപ്പ്. അബുദാബിയിലെ ഇൻ്റഗ്രേറ്റഡ് ട്രാൻസ്‌പോർട്ട് സെൻ്റർ (ഐടിസി) എക്‌സ് അക്കൗണ്ടിലൂടെയാണ് ഇക്കാര്യം അറിയിച്ചത്. ഇതുവഴി വരുന്ന വാഹനങ്ങൾ, ഷെയ്ഖ് മക്തൂം ബിൻ റാഷിദ് റോഡ് (E11) അതുപോലെ ഷെയ്ഖ് മുഹമ്മദ് ബിൻ റാഷിദ് അൽ മക്തൂം റോഡ് (E311) എന്നീ റോഡുകൾ എമിറേറ്റ്സ് റോഡ് (E611) റോഡിലേക്ക് വഴി തിരിച്ചുവിട്ടിട്ടുണ്ട്.
ഇത് വ്യക്തമാകുന്ന മാപ്പും ആർടിഎയുടെ അറിയിപ്പിൽ കൊടുക്കുന്നുണ്ട്. അതേസമയം, റോഡുകൾ എത്ര നാൾ അടച്ചിടുമെന്ന കാര്യത്തെക്കുറിച്ച് പോസ്റ്റിൽ പറഞ്ഞിട്ടില്ല. എങ്കിലും റോഡുകൾ വീണ്ടും തുറന്നാൽ ഐടിസി ഉടൻ അറിയിക്കുമെന്ന് പ്രതീക്ഷിക്കുന്നു.
