അബുദാബി ട്രാവൽ ആന്റ് ടൂറിസം വീക്കിന്റെ ആദ്യ പതിപ്പ് ഇന്ന് തുടക്കമായി. അബുദാബി കൾച്ചർ ആന്റ് ടൂറിസം വകുപ്പിന്റെ നേതൃത്വത്തിലാണ് പരിപാടി സംഘടിപ്പിക്കുന്നത്. എമിറേറ്റിലെ ടൂറിസം വികസനത്തിന് ശക്തി പകരുന്ന പരിപാടി സെപ്റ്റംബർ 30 വരെ നീണ്ടുനിൽക്കും.
സിറ്റി ടൂറിസം ബ്രീഫിങ്ങ്, ഫ്യുച്ചർ ഹോസ്പിറ്റാലിറ്റി സമ്മിറ്റ്, അബുദാബി ബിസിനസ് ഇവന്റസ്‌ ഫോറം, അബുദാബി വെഡിങ്ങ് ഷോ എന്നിങ്ങനെ നാല് മേഖലകളിലായാണ് മേള സംഘടിപ്പിക്കുന്നത്. ടൂറിസം കേന്ദ്രം എന്ന നിലയിൽ അബുദാബിയുടെ പ്രാധാന്യം ആഗോളതലത്തിൽ മുന്നിട്ടുനിർത്തുന്നതാണ് പരിപാടി.
