ലോകത്തിലെ ഏറ്റവും സുരക്ഷിതമായ അഞ്ച് നഗരങ്ങളുടെ പട്ടികയിൽ ഇടംപിടിച്ച് അബുദാബിയും അജ്മാനും ദുബായിയും. 2023-ലെ കണക്കുകൾ പ്രകാരം യുഎഇ തലസ്ഥാനം ആഗോളതലത്തിൽ ഏറ്റവും സുരക്ഷിതമായ നഗരമായി റേറ്റുചെയ്‌തു.
തുടർന്ന് അജ്മാൻ രണ്ടാം സ്ഥാനത്തും ദുബായ് അഞ്ചാം സ്ഥാനത്തും എത്തി. 2022 മുതൽ അബുദാബി തുടർച്ചയായി ചാർട്ടിൽ ഒന്നാം സ്ഥാനത്താണ്. ദോഹയും തായ്പേയും യഥാക്രമം മൂന്നും നാലും സ്ഥാനങ്ങളിൽ എത്തി. എട്ടാം സ്ഥാനത്തുള്ള മസ്‌കറ്റ് മാത്രമാണ് ഈ മേഖലയിലുടനീളമുള്ള ആദ്യ പത്തിൽ ഇടം നേടിയ മറ്റൊരു നഗരം.
സുരക്ഷയുടെയും സ്ഥിരതയുടെയും അടിസ്ഥാനത്തിൽ ജോലി ചെയ്യാനും ജീവിക്കാനും അനുയോജ്യമായ സ്ഥലമെന്ന നിലയിൽ ആഗോള ഡാറ്റാ ദാതാക്കളായ നംബിയോയാണ് ഈ റിപ്പോർട്ട് പുറത്തുവിട്ടിരിക്കുന്നത്.
കഴിഞ്ഞ മാസം, ഡിപ്പാർട്ട്‌മെന്റ് ഓഫ് കമ്മ്യൂണിറ്റി ഡെവലപ്‌മെന്റ് (ഡിസിഡി) പുറത്തിറക്കിയ ഒരു സർവേയിൽ അബുദാബി നിവാസികളിൽ 93 ശതമാനത്തിലധികം പേരും രാത്രിയിൽ ഒറ്റയ്ക്ക് നടക്കുമ്പോൾ സുരക്ഷിതരാണെന്ന് അഭിപ്രായപ്പെടുന്നു. ജീവിതനിലവാരം, കുറ്റകൃത്യങ്ങൾ, ആരോഗ്യപരിപാലനം, മലിനീകരണം, ട്രാഫിക് എന്നിവയുൾപ്പെടെ നിരവധി വിഷയങ്ങളിൽ വാർഷികവും അർദ്ധവാർഷികവും അടിസ്ഥാനത്തിൽ നൂറുകണക്കിന് നഗരങ്ങളുടെ ഡാറ്റയും റാങ്കിംഗും ആണ് Numbeo പ്രസിദ്ധീകരിക്കുന്നത്.
