ആകാശത്തെ വിസ്മയ കാഴ്ചയാണ് ചന്ദ്രഗ്രഹണം. കുവൈത്തിൽ ആകാശം പൂർണ ചന്ദ്രനോടുകൂടിയ ഭാഗിക ഗ്രഹണത്തിനാണ് സാക്ഷ്യം വഹിക്കാൻ ഒരുങ്ങുന്നത്. ഒക്ടോബർ 28-നാണ് പൂർണ ചന്ദ്രനോടുകൂടിയ ഭാഗിക ഗ്രഹണം ആകാശത്ത് വിരിയുകയെന്ന് ഷെയ്ഖ് അബ്ദുല്ല അൽ സലിം കൾച്ചറൽ സെന്ററിലെ ബഹിരാകാശ മ്യൂസിയം വ്യക്തമാക്കി. ഒരു മണിക്കൂറും 17 മിനിറ്റും നിലനിൽക്കുന്നതായിരിക്കും ഈ ഗ്രഹണം.
വിവിധ ഘട്ടങ്ങളിലായി രാത്രി 9.01 മുതൽ 11.52 വരെ ഗ്രഹണം ദൃശ്യമാകും. ഏറ്റവും ഉയർന്ന അവസ്ഥയിൽ 11.14 നാണ് ദൃശ്യമാകുക. രാജ്യത്ത് ഈ വർഷം രണ്ടാമത്തെയും അവസാനത്തേതുമാണ് പൂർണ ചന്ദ്രനോടുകൂടിയ ഈ ഭാഗിക ഗ്രഹണം. അടുത്ത ചന്ദ്രഗ്രഹണം 2024 സെപ്തംബർ 18-ന് ആയിരിക്കുമെന്ന് ബഹിരാകാശ മ്യൂസിയം ജനറൽ സൂപ്പർവൈസർ ഖാലിദ് അൽ ജമാൻ വ്യക്തമാക്കി.
