ദുബായിലെ വാഹനാപകടത്തിൽ കണ്ണൂർ സ്വദേശി മരിച്ചു

ദുബായിലെ കരാമയിലുണ്ടായ വാഹനാപകടത്തിൽ കണ്ണൂർ സ്വദേശി മരിച്ചു. കണ്ണാടിപ്പറമ്പ് സ്വദേശിയായ പ്രകാശൻ അരയാമ്പത്ത് (55) ആണ് മരണപ്പെട്ടത്. കരാമ സെന്ററിന് സമീപത്ത് നിന്നും റോഡ് മുറിച്ചുകടക്കവെ ഒരു വാഹനം ഇടിക്കുകയായിരുന്നു. സംഭവസ്ഥലത്ത് വെച്ചുതന്നെ പ്രകാശൻ മരണപ്പെട്ടിരുന്നു. മൂന്നുമാസമായി സന്ദർശക വിസയിലായിരുന്ന ഇദ്ദേഹത്തിന് റാസൽഖൈമയിൽ ജോലി ലഭിച്ചിരിക്കെയായിരുന്നു അപകടം. ഭാര്യ: ഷീബ, മക്കൾ: അഭിരാമി, പ്രദീപ്.