52-ാമത് യുഎഇ ദേശീയ ദിനത്തോടനുബന്ധിച്ച് (ഡിസംബർ 2) ട്രാഫിക് പിഴകളിൽ 50 ശതമാനം ഇളവ് പ്രഖ്യാപിച്ച് ഫുജൈറ പോലീസ്. ഇന്നുമുതൽ (നവംബർ 30) മുതൽ 52 ദിവസത്തേക്കാണ് ഇളവ് ലഭിക്കുക.
ദേശീയ ദിനത്തോടനുബന്ധിച്ച് ഫുജൈറ കിരീടാവകാശി ഷെയ്ഖ് മുഹമ്മദ് ബിൻ ഹമദ് ബിൻ മുഹമ്മദ് അൽ ഷർഖിയുടെ നിർദ്ദേശങ്ങൾ പാലിച്ചാണ് ഈ ഇളവ്.
നേരത്തെ ട്രാഫിക് പിഴകളിൽ 50 ശതമാനം ഇളവ് ഉമ്മുൽ ഖുവൈൻ പൊലീസ് പ്രഖ്യാപിച്ചിരുന്നു. ഈ മാസം ട്രാഫിക് പിഴകളിൽ 50 ശതമാനം ഇളവ് പ്രഖ്യാപിച്ച രണ്ടാമത്തെ എമിറേറ്റാണ് ഫുജൈറ.
