സർക്കാർ ജീവനക്കാർക്ക് പെർഫോമൻസ് ബോണസ് അനുവദിച്ച് ദുബായ് കിരീടാവകാശി. 15.2 കോടി ദിർഹത്തിന്റെ ബോണസ് നൽകാനാണ് ദുബായ് കിരീടാവകാശി ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം ഉത്തരവിട്ടത്. യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂമിന്റെ നിർദേശപ്രകാരമാണിത്.
അതേസമയം സർക്കാരിന്റെ മാനവശേഷി വകുപ്പ് നിശ്ചയിച്ചിട്ടുള്ള മാനദണ്ഡങ്ങൾക്ക് അനുസൃതമായാണ് പെർഫോമൻസ് ബോണസ് നൽകുക. ജോലിയിൽ സ്ഥിരമായി മികവ് പുലർത്താൻ ജീവനക്കാരെ പ്രേരിപ്പിക്കുന്നതിനോടൊപ്പം മാന്യമായ ജീവിതം ഉറപ്പാക്കാനുള്ള സർക്കാരിന്റെ പ്രതിബദ്ധതകൂടിയാണ് ഇതിലൂടെ ലക്ഷ്യമിടുന്നത്.
