മലേഷ്യയിലെ റോഡിൽ ചെറുവിമാനം തകർന്ന് വീണു. അപകടത്തിൽ 10 പേർ സംഭവ സ്ഥലത്ത് തന്നെ മരിച്ചു. വിമാനത്തിൽ സഞ്ചരിച്ച എട്ട് പേരും ഹൈവേയിലൂടെ സഞ്ചരിക്കുകയായിരുന്ന രണ്ട് പേരുമാണ് മരിച്ചത്. വിമാനം തകർന്നു വീഴുന്നതിന്റെ ദൃശ്യങ്ങൾ ഹൈവേയിലൂടെ സഞ്ചരിക്കുകയായിരുന്ന കാറിലെ ഡാഷ്ബോർഡ് കാമറയിലാണ് പതിഞ്ഞത്.
മലേഷ്യയുടെ വടക്കൻ ദ്വീപായ ലങ്കാവിയിൽ നിന്നും ക്വാലാലംപൂരിലേക്ക്‌ യാത്ര പുറപ്പെട്ട വിമാനമാണ് തകർന്ന് വീണത്. ആറ് യാത്രക്കാരും രണ്ട് ജീവനക്കാരുമാണ് വിമാനത്തിൽ ഉണ്ടായിരുന്നതെന്ന് മലേഷ്യൻ സിവിൽ ഏവിയേഷൻ അതോറിറ്റി സ്ഥിരീകരിച്ചു.
വിമാനം ഹൈവേയിലേക്ക്‌ പെട്ടന്നാണ് വീണതും അഗ്നിഗോളമായി മാറുകയും ചെയ്തത്. ഇതിന് പിന്നാലെ ശക്തമായ പുകയും ഉണ്ടായി. കൂടാതെ10 പേർ മരിച്ചുവെന്ന വിവരം മലേഷ്യൻ പൊലീസും സ്ഥിരീകരിച്ചിട്ടുണ്ട്. ഇതിൽ എട്ട് പേർ വിമാനത്തിൽ യാത്ര ചെയ്യുന്നവരാണ്. ഒരാൾ ഹൈവേയിലൂടെ ബൈക്കിൽ സഞ്ചരിക്കുകയും മറ്റൊരാൾ കാറിൽ യാത്ര ചെയ്യുകയുമായിരുന്നു.
