കഥാപാത്രങ്ങൾക്കായി ഇത്രയധികം മേക്കോവർ നടത്തിയ തെന്നിന്ത്യയിയിലില്ല. ജീവന്റെ തുടിപ്പേകാൻ ഏതറ്റം വരെയും പോകുന്ന താരമാണ് വിക്രം. അന്ന്യൻ, സേതു, പിതാമഹൻ, ദൈവതിരുമകൻ, ഐ തുടങ്ങിയ ചിത്രങ്ങൾ ഉദാഹരണങ്ങൾ മാത്രം.
ഇതുവരെ കാണാത്ത വൻ മേക്കോവറിലാണ് വിക്രം തങ്കലാനിൽ എത്തിയിരിക്കുന്നത്. ചിത്രത്തിന്റെ മേക്കിംഗ് വീഡിയോ അണിയറ പ്രവർത്തകർ പുറത്തുവിട്ടു.
വിക്രമിന്റെ പിറന്നാൾ ദിനത്തോട് അനുബന്ധിച്ചാണ് ‘തങ്കലാന്റെ’ മേക്കിങ് വീഡിയോ അണിയറപ്രവർത്തകർ പുറത്തുവിട്ടത്. പ്രേക്ഷകരെ ആകാംഷയുടെ മുൾമുനയിൽ നിർത്താൻ പ്രാപ്തമായ രംഗങ്ങളാണ് ചിത്രത്തിലുള്ളതെന്ന് വിഡിയോയിൽ വ്യക്തമാണ്. എന്റെ തങ്കലാന് പിറന്നാൾ ആശംസകൾ എന്ന് കുറിച്ചാണ് സംവിധായകൻ പാ രഞ്ജിത്ത് വീഡിയോ പങ്കുവെച്ചത്.
പാ രഞ്ജിത്തിനൊപ്പം വിക്രം ആദ്യമായി ഒന്നിക്കുകയാണ് ചിത്രത്തിൽ. സ്റ്റുഡിയോ ഗ്രീനും നീലം പ്രൊഡക്ഷൻസും ചേർന്ന് ഒരുക്കുന്ന ചിത്രം നിർമ്മിക്കുന്നത് കെ ഇ ജ്ഞാനവേൽരാജയാണ്. മലയാളി താരങ്ങളായ പാർവതി തിരുവോത്തും മാളവിക മോഹനനുമാണ് നായികാ വേഷങ്ങളിൽ എത്തുന്നത്. തന്റെ കരിയറിലെ ഏറ്റവും മികച്ച കഥാപാത്രമെന്നാണ് ഒരു പൊതുപരിപാടിയിൽ ചിത്രത്തെക്കുറിച്ച് പാർവതി പറഞ്ഞത്.
