പ്രേക്ഷകർ ഏറെ ആകാംഷയോടെ കാത്തിരിക്കുന്ന വിജയ് യുടെ ചിത്രമാണ് വിജയ് 68. വെങ്കിട്ട് പ്രഭു സംവിധാനം ചെയ്യുന്ന ചിത്രം പ്രഖ്യാപിച്ചത് മുതൽ വാർത്തകളിൽ നിറഞ്ഞു നിന്നിരുന്നു. ഇപ്പോഴിതാ മറ്റൊരു വലിയ നേട്ടം സ്വന്തമാക്കിയിരിക്കുകയാണ് ‘വിജയ് 68’. ചിത്രത്തിന്റെ ഓഡിയോ അവകാശം വൻ റെക്കോർഡ് തുകയ്ക്കാണ് വിറ്റ് പോയിരിക്കുന്നത്. റിപ്പോർട്ടുകൾ പ്രകാരം ടി സീരീസാണ് 30 കോടി രൂപക്ക് ചിത്രത്തിന്റെ ഓഡിയോ അവകാശം സ്വന്തമാക്കിയിരിക്കുന്നത്. എന്നാൽ തുകയെ കുറിച്ച് ഔദ്യോഗിക പ്രഖ്യാപനമൊന്നും ഇതുവരെ ഉണ്ടായിട്ടില്ല.
സംവിധായകൻ വെങ്കിട്ട് പ്രഭു തന്നെയാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. എ.ജി.എസ് എന്റര്‍ടെയിന്‍മെന്റാണ് ചിത്രം നിര്‍മിക്കുന്നത്. എ.ജി.എസ് എന്റര്‍ടെയിന്‍മെന്റിന്റെ 25-ാമത്തെ ചിത്രമാണിത്. യുവന്‍ ശങ്കര്‍ രാജയാണ് ദളപതി 68ന്റെ സംഗീത സംവിധാനം നിർവഹിക്കുന്നത്. 2003ല്‍ റിലീസ് ചെയ്ത പുതിയ ഗീതൈയ് എന്ന ചിത്രത്തിന് ശേഷം വിജയ്ക്കൊപ്പമുള്ള യുവന്റെ രണ്ടാമത്തെ പ്രൊജക്റ്റ് കൂടിയാണിത്.
