ഏഷ്യ കപ്പ് സൂപ്പർ ഫോറിൽ ഇന്ത്യ-പാകിസ്താന്‍ പോരാട്ടം മഴ മൂലം നിര്‍ത്തിവെച്ചിരുന്നു. എന്നാൽ മൈതാനത്തു നിന്നുള്ള ഷഹീന്‍ അഫ്രീദിയുടെ വീഡിയോയാണ് സമൂഹമാധ്യമങ്ങളില്‍ ഇപ്പോൾ വൈറലാവുന്നത്. ജസ്പ്രീത് ബുംറയ്ക്ക് കുഞ്ഞ് പിറന്നതിന്റെ സന്തോഷം പങ്കുവച്ചുകൊണ്ട് സമ്മാനം നല്‍കുന്ന ഷഹീന്‍ അഫ്രീദിയുടെ വീഡിയോയാണ് വൈറലായത്.
ഷഹീന്‍ അഫ്രീദി ബുംറയ്ക്ക് സമ്മാനം കൈമാറുന്ന വീഡിയോ പാകിസ്താന്‍ ക്രിക്കറ്റ് ബോര്‍ഡാണ് എക്‌സ് പ്ലാറ്റ്‌ഫോമില്‍ പങ്കുവെച്ചത്. ‘അള്ളാഹു എപ്പോഴും അവനെ അനുഗ്രഹിക്കട്ടെ, അവന്‍ ഒരു നാള്‍ പുതിയ ബുംറയായി വരട്ടെ’ എന്ന് ബുംറയോട് ഷഹീന്‍ അഫ്രീദി പറയുന്നതും വീഡിയോയില്‍ കേള്‍ക്കാന്‍ കഴിയും. സെപ്റ്റംബര്‍ നാലിനാണ് ജസ്പ്രീത് ബുമ്ര- സജ്ഞന ഗണേശന്‍ ദമ്പതികള്‍ക്ക് ആണ്‍ കുഞ്ഞ് പിറന്നത്. അംഗദ് ജസ്പ്രീത് ബുമ്രയെന്നാണ് കുഞ്ഞിന്റെ പേര്.
