ബ്രസീലിയൻ സൂപ്പർ താരം നെയ്മർ ജൂനിയറിനെ സ്വന്തമാക്കി അൽ ഹിലാൽ. നെയ്മർ ഇനി സൗദിയുടെ അൽ ഹിലാലിന് വേണ്ടിയാവും ബൂട്ടണിയുക. അൽ ഹിലാലിന്റെ ട്രാൻസ്ഫർ തുക പിഎസ്ജി അംഗീകരിച്ചതോടെ ക്ലബ് മാറ്റം യാഥാർഥ്യമായി. രണ്ട് വർഷത്തേക്കാണ് കരാർ. 98. 24 മില്യൺ ഡോളർ ആണ് അൽ ഹിലാൽ പിഎസ്ജിയ്ക്ക് ട്രാൻസ്ഫർ തുകയായി നൽകുക.
അതേസമയം സൗദി രാജകുമാരൻ അൽ വലീദ് ബിൻ തലാൽ നെയ്മറെ വീഡിയോ കോളിലൂടെ അൽ ഹിലാലിലേക്ക് സ്വാഗതം ചെയ്തു. കൂടാതെ രാജകുമാരന്റെ വീഡിയോ കോളിൽ അൽ ഹിലാൽ ക്ലബ്ബിന്റെ ചെയർമാനായ ഫഹദ് ബിൻ സാദ് ബിൻ നഫലിനൊപ്പം ഇരിക്കുന്ന നെയ്മറെയും കാണാൻ സാധിക്കും.
