ഷെയിൻ നിഗം, ആന്റണി വർഗീസ് എന്നിവരെ പ്രധാന കഥാപാത്രങ്ങളാക്കി നഹാസ് ഹിദായത്ത് സംവിധാനം ചെയ്ത ചിത്രമാണ് ആർ ഡി എക്‌സ്. ഒറ്റ സിനിമകൊണ്ട് പോപ്പുലറായ സംവിധായകനാണ് നഹാസ്. നഹാസ് ഹിദായത്തിന്റെ വിവാഹമായിരുന്നു കഴിഞ്ഞ ദിവസം.
വധു ഒപ്‌റ്റോമെട്രി വിദ്യാർഥിയായ ഷെഫ്‌ന കാഞ്ഞിരപ്പള്ളി സ്വദേശിനിയാണ്.അടുത്ത സുഹൃത്തുക്കളും ബന്ധുക്കളും മാത്രമാണ് ചടങ്ങിൽ പങ്കെടുത്തത്. കഴിഞ്ഞ വർഷം ഡിസംബറിലായിരുന്നു ഇരുവരുടെയും വിവാഹനിശ്ചയം.
‘ഗോദ’ എന്ന ചിത്രത്തിൽ ബേസിൽ ജോസഫിന്റെ അസിസ്റ്റന്റ് ആയാണ് നഹാസ് സിനിമയിൽ എത്തുന്നത്. ആദ്യ സംവിധായക അരങ്ങേറ്റമായ ആർഡിഎക്‌സ് എന്ന ചിത്രം ഗംഭീര വിജയമായിരുന്നു.
