റിയാലിറ്റി ഷോയിലൂടെ ഡാൻസറായി എത്തി സിനിമയിൽ തന്റേതായ സ്ഥാനം നേടിയ താരമാണ് സാനിയ അയ്യപ്പൻ. നിരവധി ഹിറ്റ് ചിത്രങ്ങളുടെ ഭാഗമായ താരം ഇപ്പോൾ തന്റെ പേരുമായി ബന്ധപ്പെട്ട ഒരു ആശയക്കുഴപ്പം തീർക്കുകയാണ്.
താരവുമായി ബന്ധപ്പെട്ട് വരുന്ന വാർത്തകളിൽ സാനിയ അയ്യപ്പൻ എന്നും, സാനിയ ഇയ്യപ്പൻ എന്നും രണ്ട് വിധത്തിൽ പേരിന്റെ ഇനിഷ്യൽ എഴുതിവരാറുണ്ട്. ഇതിലാണ് താരം ഇപ്പോൾ വ്യക്തത വരുത്തിയിരിക്കുന്നത്. തൻ്റെ പേര് സാനിയ അയ്യപ്പൻ ആണെന്നും ഇയ്യപ്പൻ അല്ല എന്നുമാണ് താരം വ്യക്തമാക്കുന്നത്.
‘സാനിയ അയ്യപ്പൻ എന്നാണ് എൻ്റെ പേര്. അയ്യപ്പൻ എൻ്റെ അച്ഛന്റെ പേരാണ്. അതാണ് ഞാൻ പേരിനോട് ചേർത്തിരിക്കുന്നതും. ആളുകൾ ഇയ്യപ്പൻ എന്ന് ഉപയോഗിക്കുന്നത് ഞാനും കാണാറുണ്ട്. അവരെ സംശയത്തിലാക്കുന്നത് എൻ്റെ പേരിലെ ഇംഗ്ലീഷ് അക്ഷരങ്ങളാണെന്ന് തോന്നുന്നത്’ എന്നാണ് സാനിയ പറഞ്ഞത്.
