ലേഡി സൂപ്പർ സ്റ്റാർ നയൻതാര ഇന്ന് തന്റെ 40-ാം പിറന്നാൾ ആഘോഷിക്കുകയാണ്. താരത്തിന് പിറന്നാൾ ആശംസകൾ നേരുകയാണ് നടി മഞ്ജു വാര്യർ. ഇൻസ്റ്റഗ്രാം സ്റ്റോറിയിൽ നയൻതാരയ്ക്കൊപ്പമുള്ള ചിത്രം പങ്കുവെച്ചായിരുന്നു മഞ്ജു പിറന്നാളാശംസകൾ അറിയിച്ചത്.
‘ഹാപ്പി ബർത്ത്ഡേ മൈ സൂപ്പർ സ്റ്റാർ, ഐ ലെവ് യൂ സോ മച്ച്’ എന്നാണ് ചിത്രത്തിനൊപ്പം മഞ്ജു കുറിച്ചത്. മഞ്ജു വാര്യരുടെ സ്‌റ്റോറി നയൻതാരയും ഇൻസ്റ്റഗ്രാമിൽ പങ്കുവെച്ചിട്ടുണ്ട്. മഞ്ജുവിന് പുറമെ നിരവധി താരങ്ങളും നയൻതാരയ്ക്ക് ആശംസകൾ അറിയിക്കുന്നുണ്ട്.
ആരാധകർ ഏറെ കാത്തിരുന്ന നയൻതാരയുടെ വിവാഹ ഡോക്യുമെൻ്ററിയായ ‘നയൻതാര: ബിയോണ്ട് ദി ഫെയറി ടെയ്‌ൽ’ഉം ഇന്ന് നെറ്റ്ഫ്ളിക്സിൽ റിലീസ് ചെയ്തിട്ടുണ്ട്. നയൻസിന്റെ പിറന്നാൾ ദിനത്തിൽ തന്നെ ഡോക്യുമെന്ററി പുറത്തിറക്കിയത് നന്നായെന്നാണ് ആരാധകരുടെ കമന്റ്.
