ലോകകപ്പുകളിൽ ഏറ്റവും കൂടുതൽ മത്സരങ്ങൾ കളിച്ച താരമെന്ന് റെക്കോർഡിന് പുറമെ അർജൻ്റീനയ്ക്കായി ലോകകപ്പിൽ കൂടുതൽ ഗോളെന്ന റെക്കോർഡും മെസ്സിക്ക് തന്നെ. 11 ഗോളുകളുമായി ഗബ്രിയേൽ ബാറ്റിസ്റ്റ്യൂട്ടയുടെ റെക്കോർഡാണ് ലയണൽ മെസസി മറികടന്നത്. മെസ്സിയുടെ ഗംഭീര പ്രകടത്തിൽ കളിച്ച ആറു ലോകകപ്പ് സെമികളിലും തോറ്റിട്ടില്ലെന്ന ചരിത്രം ആവർത്തിച്ച് അർജൻ്റീന ഫൈനലിലെത്തി. ഖത്തർ ലോകകപ്പിലെ ടോപ് സ്കോറർമാരിലേക്ക് മെസ്സി അഞ്ചു ഗോളുമായി ഫ്രാൻസിൻ്റെ കിലിയൻ എംബാപെയ്ക്കൊപ്പമെത്തി. അസിസ്റ്റുകൾ കൂടി പരിഗണിച്ചാൽ നിലവിൽ എംബാപെയ്ക്കു മേൽ മെസ്സിക്കാണ് മുൻതൂക്കം.
1966ന് ശേഷം ഒരു ഫുട്‌ബോള്‍ ലോകകപ്പിലെ മൂന്ന് വ്യത്യസ്ത മത്സരങ്ങളില്‍ ഗോളും അസിസ്റ്റും നേടുന്ന ആദ്യ താരം എന്ന റെക്കോഡും മെസ്സി സ്വന്തമാക്കി.
ഖത്തര്‍ ലോകകപ്പ് സെമിഫൈനലിൽ കഴിഞ്ഞദിവസം ക്രൊയേഷ്യയെ 3-0 ന് തകർത്താണ് അർജൻ്റീന ഫൈനലിലെത്തിയത്.
