മലയാളി പ്രേക്ഷകരുടെ ഇഷ്ട താരമാണ് നടി മീര നന്ദൻ. അധികം വൈകാതെ വിവാഹിതയാകാനൊരുങ്ങുന്ന മീരയുടെ വിശേഷങ്ങളെല്ലാം അറിയാൻ ആരാധകർക്ക് വലിയ താത്പര്യവുമാണ്. കഴിഞ്ഞ വർഷം വിവാഹനിശ്ചയം കഴിഞ്ഞ മീര ഇപ്പോൾ തന്റെ സുഹൃത്തുക്കൾക്കൊപ്പം ബ്രൈഡ് ടു ബി ആഘോഷിക്കുന്ന ചിത്രങ്ങളാണ് സാമൂഹ്യമാധ്യമങ്ങളിൽ തരംഗമാകുന്നത്.
സെർബിയയിൽ വച്ചാണ് താരം ബ്രൈഡ് ടു ബി ആഘോഷമാക്കിയത്. മീര വെളുത്ത വസ്ത്രവും മറ്റുള്ളവർ കറുപ്പ് നിറത്തിലുള്ള വസ്ത്രവുമാണ് ധരിച്ചിരിക്കുന്നത്. നാല് പേർ മാത്രം പങ്കെടുത്ത ആഘോഷത്തിൻ്റെ ചിത്രങ്ങളാണ് മീര പങ്കുവെച്ചത്. ടീം ബ്രൈഡ് എന്നെഴുതിയ ചെരുപ്പും വസ്ത്രവുമാണ് സുഹൃത്തുക്കൾ ധരിച്ചത്. മീരയുടെ വസ്ത്രത്തിന്റെ പുറകിൽ ബ്രൈഡ് എന്നെഴുതിയിട്ടുമുണ്ട്.
ഇതോടെ നിരവധി പേരാണ് മീരയ്ക്ക് ആശംസകൾ അറിയിക്കുന്നത്. ലണ്ടനിൽ ജോലി ചെയ്യുന്ന ശ്രീജുവാണ് താരത്തിന്റെ വരൻ. ഈ വർഷം ഇരുവരുടെയും വിവാഹം നടക്കുമെന്നാണ് റിപ്പോർട്ട്. എന്നാൽ വിവാഹ തിയതി താരം ഇതുവരെ പുറത്തുവിട്ടിട്ടില്ല.
