മഞ്ജു വാര്യരുടെ ചിത്രങ്ങളും പോസ്റ്റുകളും എപ്പോഴും സാമൂഹ്യമാധ്യമങ്ങളിൽ ശ്രദ്ധേയമാകാറുണ്ട്. താരം ഇപ്പോൾ ആരാധകരുമായി പങ്കുവെച്ച ചിത്രങ്ങളും ഇത്തരത്തിൽ വൈറലായിട്ടുണ്ട്. ‘നിങ്ങൾക്ക് ലഭിക്കാവുന്ന ഏറ്റവും വലിയ സമ്പത്ത് മനസമാധാനമാണ്’ എന്ന കുറിപ്പോടെയാണ് മഞ്ജു തന്റെ ചിത്രങ്ങൾ പങ്കിട്ടിരിക്കുന്നത്.
നിർമ്മാതാവും മഞ്ജു വാര്യരുടെ മാനേജറുമായ ബിനീഷ് ചന്ദ്രയാണ് ചിത്രങ്ങൾ പകർത്തിയിരിക്കുന്നത്. ഇളം പിങ്ക് നിറത്തിലുള്ള കുർത്ത ധരിച്ച് ചെടികൾക്കിടയിൽ നിൽക്കുന്ന ചിത്രമാണ് താരം പങ്കിട്ടത്. താരങ്ങളായ തൃഷ, ശിവദ, അപർണ ദാസ്, ദിയ മേനോൻ തുടങ്ങിയ താരങ്ങളടക്കം നിരവധി പേരാണ് മഞ്ജുവിന്റെ ചിത്രങ്ങൾക്ക് ലൈക്കും കമന്റുകളുമായി എത്തുന്നത്.
ദിവസങ്ങൾ കഴിയും തോറും പ്രായം കുറയുകയാണോ എന്നാണ് പലരുടെയും ചോദ്യം. അതോടൊപ്പം സൗന്ദര്യത്തിന്റെ രഹസ്യമെന്താണെന്നും ആരാധകർ മഞ്ജുവിനോട് ചോദിക്കുന്നുണ്ട്.
