മലയാളത്തിലെ പ്രിയപ്പെട്ട നടൻ ഗിന്നസ് പക്രു എന്ന് അറിയപ്പെടുന്ന അജയ കുമാറിന് ഒരു കണ്മണി കൂടി പിറന്നിരിക്കുന്നു. ഒരു പെണ്‍കുഞ്ഞ് കൂടി പിറന്ന സന്തോഷം ഗിന്നസ് പക്രു സോഷ്യല്‍ മീഡിയയിലൂടെ പങ്കുവച്ചിരിക്കുകയാണ്. മൂത്ത മകള്‍ ദീപ്തയ്ക്കൊപ്പം കുടുംബത്തിലെ പുതിയ അംഗത്തെ കൈയ്യില്‍ എടുത്തു നില്‍ക്കുന്ന ചിത്രമാണ് ഗിന്നസ് പക്രു പങ്കുവച്ചിരിക്കുന്നത്.
എറണാകുളം അമൃത ആശുപത്രിയിലാണ് ഗിന്നസ് പക്രുവിന്‍റെ ഭാര്യ ഗായത്രി പെണ്‍കുഞ്ഞിന് ജന്മം നല്‍കിയിരിക്കുന്നത്. ചേച്ചിയമ്മ എന്ന കുറിപ്പും ചിത്രത്തിനൊപ്പമുണ്ട്. അമൃത ആശുപത്രിയിലെ ഡോക്ടര്‍ക്കും ജീവനക്കാര്‍ക്കും നന്ദിയും പറയുന്നതായും.
2006 മാർച്ചിലാണ് ഗായത്രി മോഹനും ഗിന്നസ് പക്രുവും വിവാഹിതരായത്. 1984-ൽ പുറത്തിറങ്ങിയ അമ്പിളി അമ്മാവൻ എന്ന ചിത്രത്തിലൂടെയാണ് സിനിമാപ്രവേശം. പഠനകാലം കഴിഞ്ഞ് മിമിക്രി കലാകാരനായിരുന്നു. നിരവധി ടെലിവിഷൻ പരമ്പരകളിലും ഗിന്നസ് പക്രു അഭിനയിച്ചിട്ടുണ്ട്.
