ഏകദിന ക്രിക്കറ്റ് ലോകകപ്പില്‍ രണ്ടാം വിജയം സ്വന്തമാക്കി നിലവിലെ ചാമ്പ്യന്മാരായ ഇംഗ്ലണ്ട്. നെതര്‍ലന്‍ഡ്‌സിനെ 160 റണ്‍സിന് തകര്‍ത്താണ് ഇംഗ്ലണ്ട് വിജയം നേടിയത്. ഇംഗ്ലണ്ട് ഉയര്‍ത്തിയ 340 റണ്‍സ് വിജയ ലക്ഷ്യത്തിലേക്ക് ബാറ്റേന്തിയ നെതര്‍ലന്‍ഡ്‌സ് 37.2 ഓവറില്‍ 179 റണ്‍സിന് ഓള്‍ ഔട്ടാവുകയായിരുന്നു. സെഞ്ചുറി നേടിയ ബെന്‍ സ്‌റ്റോക്‌സാണ് ടീമിന്റെ വിജയശില്‍പ്പി. എന്നാൽ ഈ തോല്‍വിയോടെ നെതര്‍ലന്‍ഡ്‌സ് സെമി ഫൈനല്‍ കാണാതെ പുറത്തായി.
41 റണ്‍സെടുത്ത് പുറത്താവാതെ നിന്ന തേജ നിദമനുരുവാണ് ഇംഗ്ലണ്ടിന്റെ ടോപ് സ്‌കോറര്‍. ക്യാപ്റ്റൻ സ്‌കോട്ട് എഡ്വാര്‍ഡ്‌സ് (38), ഓപ്പണര്‍ വെസ്ലി ബരേസി (37), സൈബ്രാന്‍ഡ് എയ്ഞ്ജല്‍ബ്രെക്ട് (33) എന്നിവര്‍ മികച്ച പ്രകടനം പുറത്തെടുത്തു. ഇംഗ്ലീഷ് ബൗളിങ് നിരയെ നേരിട്ട് വിജയം നേടാന്‍ നെതര്‍ലന്‍ഡ്‌സിന് കഴിഞ്ഞില്ല.
