ദുബായ് ആർടിഎ ഹംദാൻ ബിൻ മുഹമ്മദ്‌ ബിൻ റാഷിദ് അൽ മക്തും ഇന്റർനാഷണൽ ഫോട്ടോഗ്രാഫി അവാർഡുമായി ഏകോപിപ്പിച്ച് ഫോഗ്രാഫി മത്സരത്തിന്റെ മൂന്നാം പതിപ്പ് പ്രഖ്യാപിച്ചു. ദുബായിലെ സുസ്ഥിര ഗതാഗതത്തിന്റെ പ്രധാന്യത്തെ കുറിച്ചുള്ള അവബോധം സൃഷ്ടിക്കാൻ ആണ് ഈ ഫോട്ടോഗ്രാഫി മത്സരം സംഘടിപ്പിക്കുന്നത്. പങ്കെടുക്കുന്നവർ സെപ്റ്റംബർ 25 മുതൽ ഒക്ടോബർ 15 വരെ ഫോട്ടോകൾ സമർപ്പിക്കാം. 30,000 ദിർഹം വരെയാണ് സമ്മാനമായി ലഭിക്കുക.
ഫോട്ടോഗ്രാഫി ഇഷ്ടമുള്ളവർ, ഫോട്ടോഗ്രാഫർമാർ, വിനോദ സഞ്ചാരികൾ, താമസക്കാർ, പൊതുഗതാഗത ഉപയോക്താക്കൾ എന്നിവർക്ക് മെട്രോ, വാട്ടർ ബസ്, ട്രം പബ്ലിക് ബസുകൾ,വാട്ടർ ടാക്സി, അബ്ര, ഫെറി തുടങ്ങിയ ജല ഗതാഗതങ്ങൾ ഉൾപ്പെടെയുള്ള പൊതു ഗതാഗതങ്ങളുടെ ചിത്രങ്ങൾ പകർത്തി മത്സരത്തിൽ പങ്ക് ചേരാം. ഇതിനായി മൊബൈലിൽ പകർത്തിയ പൊതുഗതാഗതങ്ങളുടെ ചിത്രങ്ങൾ ഇൻസ്റ്റാഗ്രാം അക്കൗണ്ടിൽ #RTAxHIPA എന്ന ഹാഷ്ടാഗോടുകൂടി പോസ്റ്റ്‌ ചെയ്യണം.
