രാഘവ ലോറൻസ്, കങ്കണ റണാവത്ത് എന്നിവർ പ്രധാന വേഷത്തിലെത്തുന്ന ‘ചന്ദ്രമുഖി 2’ന്റെ ഫസ്റ്റ് ലുക്ക് പോസ്റ്റർ പുറത്തുവിട്ടു. ചന്ദ്രമുഖിയായുളള കങ്കണയുടെ ലുക്ക് ഇതിനോടകം തന്നെ ചർച്ചയായിട്ടുണ്ട് . പി വാസു സംവിധാനം ചെയ്യുന്ന ബിഗ് ബജറ്റ് ചിത്രം സെപ്റ്റംബർ 19 നാണ് തിയറ്ററുകളിൽ റിലീസിന് എത്തുന്നത്. ‘ലൈക്ക പ്രൊഡക്ഷൻസി’ന്റെ ബാനറിൽ സുഭാസ്‌കരനാണ് ചിത്രം നിർമ്മിക്കുന്നത്. സംവിധായകൻ പി.വാസുവിന്റെ 65-മത്തെ ചിത്രം കൂടിയാണ് ചന്ദ്രമുഖി 2. രാഘവ ലോറൻസ്, കങ്കണ എന്നിവർക്കൊപ്പം വടിവേലു, രാധിക ശരത് കുമാർ, ലക്ഷ്മി മേനോൻ, മഹിമ നമ്പ്യാർ, വിഘ്നേഷ്, രവി മരിയ, സൃഷ്ടി ഡാങ്കെ, വൈ ജി മഹേന്ദ്രൻ, സുഭിക്ഷ, റാവു രമേഷ്, സായ് അയ്യപ്പൻ, സുരേഷ് മേനോൻ, ശത്രു, ടി എം കാർത്തിക് എന്നിവരാണ് മറ്റ് സുപ്രധാന കഥാപാത്രങ്ങളെ അവതരിപ്പിക്കുന്നത്.
18 വർഷം മുമ്പ് ബോക്സോഫീസിൽ ചരിത്രം സൃഷ്ടിച്ച ‘ചന്ദ്രമുഖി’യുടെ രണ്ടാം പതിപ്പാണ് ‘ചന്ദ്രമുഖി 2’. രജനീകാന്ത്, നയൻതാര, ജ്യോതിക, പ്രഭു എന്നിവർ കേന്ദ്ര കഥാപാത്രങ്ങളെ അവതരിപ്പിച്ച ‘ചന്ദ്രമുഖി’ 2005 ഏപ്രിൽ 14 നാണ് റിലീസ് ചെയ്തത്. ആർ ഡി രാജശേഖർ ഛായാഗ്രഹണം.
ഈ ചിത്രത്തിന്റെ ചിത്രസംയോജനം ആന്റണി കൈകാര്യം ചെയ്യുന്നു. യുഗ ഭാരതി, മദൻ കാർക്കി, വിവേക്, ചൈതന്യ പ്രസാദ് എന്നിവരുടെ വരികൾക്ക് ഓസ്‌കാർ ജേതാവ് എം.എം കീരവാണിയാണ് സംഗീതം പകർന്നിരിക്കുന്നത്. ചന്ദ്രമുഖി 2 വിന്റെ വസ്ത്രാലങ്കാരം നിർവഹിക്കുന്ന പെരുമാൾ സെൽവം , നീത ലുല്ല, ദോരതി എന്നിവരാണ്. മേക്കപ്പ് : ശബരി ഗിരി, സ്റ്റിൽസ്: ജയരാമൻ, ഇഫക്റ്റ്സ്: സേതു, ഓഡിയോഗ്രഫി: ഉദയ് കുമാർ, നാക് സ്റ്റുഡിയോസ്, ആക്ഷൻ: കമൽ കണ്ണൻ, രവിവർമ, സ്റ്റണ്ട് ശിവ, ഓം പ്രകാശ്, പിആർഒ: ശബരി എന്നിവരാണ് മറ്റ് അണിയറ പ്രവർത്തകർ.
