ഖത്തർ ലോകകപ്പിൽ സെമിഫൈനൽ പോരാട്ടങ്ങൾ ഇന്ന് മുതൽ. ആദ്യസെമി പോരാട്ടത്തിൽ അർജൻ്റീന ക്രൊയേഷ്യയെ നേരിടും. ലുസൈൽ സ്റ്റേഡിയത്തിൽ ഇന്ന് രാത്രി ഇന്ത്യൻ സമയം 12.30നാണ് മത്സരം. 32 ടീമുകൾ മത്സരത്തിനെത്തിയ ഖത്തറിൻ്റെ മണ്ണിൽ നിന്ന് 28 ടീമുകൾ സ്വപ്നം ബാക്കിയാക്കി മടങ്ങി. ഇനി 4 പേർ ബാക്കി. അവർക്ക് സ്വപ്നത്തിലേക്ക് ഇനി രണ്ട് മത്സരങ്ങളുടെ ദൂരം മാത്രം. ഫൈനൽ ലക്ഷ്യമിട്ട് ആദ്യ രണ്ട് ടീമുകൾ ഇന്നിറങ്ങും. അർജൻ്റീനയെ എതിരിടുന്നത് ക്രൊയേഷ്യയാണ്.
ലോകകപ്പ് കിരീടത്തിനായുള്ള 36 വർഷത്തെ കാത്തിരിപ്പാണ് അർജൻ്റീനയുടേത്. ലോകകിരീടം മെസിയിലൂടെ സ്വന്തമാക്കാമെന്ന പ്രതീക്ഷയിലാണ് ടീം.
ശക്തമായ പ്രതിരോധവും മോഡ്രിച്ചടക്കമുള്ള മധ്യനിരയുമാണ് ക്രോയേഷ്യയുടെ ശക്തി.
തീപാറുന്ന സെമി പോരാട്ടത്തിനായി ആരാധകർ ആവേശപൂർവം കാത്തിരിപ്പിലാണ്.
