ഖത്തർ ലോകകപ്പിൽ ക്വാർട്ടർ പോരാട്ടങ്ങൾക്ക് ഇന്നുമുതൽ തുടക്കം. ബ്രസീലും അർജൻ്റീനയും ആവേശപ്പോരാട്ടത്തിനായി ഇന്ന് കളത്തിലിറങ്ങും. ബ്രസീൽ ക്രൊയേഷ്യയ്ക്കെതിരെ ഇറങ്ങുമ്പോൾ നെതർലൻഡ്സ് ആണ് അർജൻ്റീനയുടെ എതിരാളികൾ.
ലോകകപ്പിൽ ഇതുവരെ നാല് തവണയാണ് ബ്രസീൽ-അർജൻ്റീന മത്സരം നടന്നിട്ടുള്ളത്. രണ്ട് തവണയും ബ്രസീൽ ജയിച്ചപ്പോൾ ഒരു ജയം അര്‍ജൻ്റീന നേടി. ഒരു മത്സരം സമനിലയുമായി. 32 വര്‍ഷം മുൻപ് ഇറ്റലിയിൽ നടന്ന ലോകകപ്പിലാണ് അവസാനം ഏറ്റുമുട്ടിയത്. ഏകപക്ഷീയമായ ഒരു ഗോളിന് അന്ന് അർജൻ്റീന ജയിച്ചുകയറി.
ബ്രസീലും-അ‍ര്‍ജൻ്റീനയും സെമിയിൽ കയറിയാൽ അതോടെ ചരിത്രമാകും. ഇന്ന് ക്രോയേഷ്യയും നെതർലാൻഡ്സും അട്ടിമറി നടത്തിയില്ലെങ്കിൽ ഡിസംബര്‍ 14ന് രാത്രി 12.30 രാത്രി നെയ്മറും മെസ്സിയും നേർക്കുനേർ വരും.
