53-ാമത് യുഎഇ ദേശീയ ദിനത്തോടനുബന്ധിച്ചുള്ള ഔദ്യോഗിക ഗാനം പുറത്തിറക്കി. യൂണിയൻ ഡേ സംഘാടക സമിതിയാണ് ഗാനം പുറത്തിറക്കിയത്. ‘ബദൗ ബനീന ഉമ്മ’ (Badou Baniina Ummah) എന്ന് പേരിട്ടിരിക്കുന്ന ഗാനം ഡിസംബർ 2-ന് തത്സമയം സംപ്രേക്ഷണം ചെയ്യുന്ന ഔദ്യോഗിക ഷോയിൽ മുഴങ്ങും.
മാതൃരാജ്യത്തോടുള്ള അഗാധമായ സ്നേഹവും ദേശീയ സ്വത്വത്തിലുള്ള അഭിമാനവും പ്രകടിപ്പിക്കുന്നതാണ് Bedouins Built a Nation എന്ന് വിവർത്തനം ചെയ്യുന്ന ഗാനം. അറിവ് ആയുധമാക്കുന്ന ഭാവി തലമുറയുടെ അഭിലാഷങ്ങളെ ഗാനം പ്രതിഫലിപ്പിക്കുന്നുണ്ട്.
ഈദ് അൽ ഇത്തിഹാദിൻ്റെ ഔദ്യോഗിക ഗാനം എന്ന നിലയിൽ എമിറേറ്റ്‌സിനെ മികച്ച നേട്ടങ്ങളിലേക്ക് നയിച്ച നേതൃത്വത്തോടുള്ള അചഞ്ചലമായ വിശ്വസ്തതയെ ഇത് എടുത്തുകാണിക്കുന്നു.
