ദുബായ് റൺ ചലഞ്ച് നടക്കുന്നതിനാൽ നവംബർ 24 (ഞായർ) ചില റോഡുകൾ താൽക്കാലികമായി അടയ്ക്കുമെന്ന് റോഡ്സ് ആന്റ് ട്രാൻസ്പോർട്ട് അതോറിറ്റി (ആർടിഎ) അറിയിച്ചു. പുലർച്ചെ 3.30 മുതൽ രാവിലെ 10.30 വരെയാണ് റോഡുകൾ അടച്ചിടുക.
അടച്ചിടുന്ന റോഡുകൾ ഇവയാണ്:
• ട്രേഡ് സെൻ്റർ റൗണ്ട് എബൗട്ടിനും രണ്ടാമത്തെ പാലത്തിനും ഇടയിലുള്ള ഷെയ്ഖ് സായിദ് റോഡ്
• ഷെയ്ഖ് സായിദ് റോഡിനും അൽ ബൂർസ സ്ട്രീറ്റിനും ഇടയിലുള്ള അൽ സുക്കൂക്ക് സ്ട്രീറ്റ്
• ഷെയ്ഖ് സായിദ് റോഡിനും അൽ ഖൈൽ റോഡിനും ഇടയിലുള്ള ലോവർ ഫിനാൻഷ്യൽ സെൻ്റർ റോഡ്
• ഷെയ്ഖ് മുഹമ്മദ് ബിൻ റാഷിദ് ബൊളിവാർഡിൽ നിന്നുള്ള വൺവേ
നാല് റോഡുകൾ താത്കാലികമായി അടയ്ക്കുമ്പോൾ ഗതാഗതത്തിനായി പുതിയ വഴിയും ആർടിഎ അധികൃതർ പ്രഖ്യാപിച്ചിട്ടുണ്ട്. ആർടിഎയുടെ നിർദേശമനുസരിച്ച് യാത്രക്കാർ യാത്രാ റൂട്ടുകൾ മുൻകൂട്ടി മനസിലാക്കണമെന്നും സഹകരിക്കണമെന്നും അധികൃതർ അറിയിച്ചു.
• ഫിനാൻഷ്യൽ സെൻ്റർ റോഡ് (മുകളിലെ നില)
• സബീൽ പാലസ് സ്ട്രീറ്റ്
• അൽ മുസ്തഖ്ബാൽ റോഡ്
• അൽ വാസൽ റോഡ്
• അൽ ഖൈൽ റോഡ്
• അൽ ബദാ തെരുവ് എന്നിവയാണ് ബദൽ റോഡുകൾ.
