വിദ്യാർത്ഥികൾക്കായി പ്രത്യേക യാത്രാ പാക്കേജ് അവതരിപ്പിച്ച് ദുബായ് റോഡ്സ് ആന്റ് ട്രാൻസ്പോർട്ട് അതോറിറ്റി. 50 ശതമാനം വരെ യാത്രാനിരക്കിൽ ഇളവ് ലഭിക്കുന്ന പ്രത്യേക നോൽ കാർഡാണ് വിദ്യാർത്ഥികൾക്കായി അവതരിപ്പിച്ചിരിക്കുന്നത്.
ലോകത്തിലെ ഏറ്റവും വലിയ ടെക് മേളയായ ദുബായ് ജിടെക്‌സിലാണ് ഇത് സംബന്ധിച്ച പ്രഖ്യാപനം ആർ.ടി.എ നടത്തിയത്. ഈ നോൽ കാർഡ് ഉപയോഗിച്ചാൽ ബസിലും മെട്രോയിലും ട്രാമിലും വിദ്യാർത്ഥികൾക്ക് 50 ശതമാനം വരെ നിരക്കിളവുണ്ടാകും. അന്താരാഷ്ട്ര സ്റ്റുഡന്റ് ഐഡിന്റിറ്റി കാർഡായും ഇത് ഉപയോഗിക്കാം.
പുതിയ നോൽ കാർഡ് ഉപയോഗിക്കുമ്പോൾ വിവിധ വാണിജ്യ സ്ഥാപനങ്ങളിൽ 70 ശതമാനം വരെ വിലക്കുറവും വിദ്യാർത്ഥികൾക്ക് ലഭിക്കും.
