സന്ധിവാതം രൂക്ഷമായതിനാൽ വിരമിക്കാൻ ആലോചിക്കുന്നതായി ബാഡ്മിന്റൻ താരം സൈന നെഹ്‌വാൾ. 9-ാം വയസിൽ ആരംഭിച്ച ബാഡ്മിന്റൻ കരിയർ 34 വയസുവരെ മുന്നോട്ടുകൊണ്ടുപോകാൻ സാധിച്ചതിൽ അഭിമാനിക്കുന്നതായും താരം വ്യക്തമാക്കി.
“കാൽമുട്ടിന് പ്രശ്‌നം നേരിടുന്നു. തരുണാസ്ഥിക്ക് തകരാറുണ്ട്. ഉയർന്ന നിലവാരമുള്ള കളിക്കാരോട് മത്സരിക്കാനും മികച്ച പ്രകടനം നടത്താനും 2 മണിക്കൂർ പരിശീലനം കൊണ്ട് കഴിയില്ല. 9-ാം വയസിൽ ആരംഭിച്ച കരിയർ 34 വയസുവരെ നീണ്ടതിൽ അഭിമാനിക്കുന്നു” എന്നാണ് സൈന പറഞ്ഞത്.
മുൻ ഒന്നാം നമ്പർ ബാഡ്‌മിൻ്റൻ താരമായ സൈന ഒളിംപിക്സിൽ മെഡൽ നേടിയ ആദ്യ ഇന്ത്യൻ ബാഡ്‌മിൻ്റൻ താരം കൂടിയാണ്.
