ദുബായ് മാൾ ഓഫ് എമിറേറ്റ്‌സിലേക്ക് നേരിട്ട് പ്രവേശിക്കാൻ ഷെയ്ഖ് സായിദ് റോഡിൽ പുതിയ പാലം നിർമ്മിക്കുമെന്ന് പ്രഖ്യാപിച്ച് റോഡ്‌സ് ആന്റ് ട്രാൻസ്‌പോർട്ട് അതോറിറ്റി (ആർടിഎ). 165 ദശലക്ഷം ദിർഹത്തിന്റെ പദ്ധതിയാണ് ആർടിഎ പ്രഖ്യാപിച്ചത്.
മാൾ ഓഫ് എമിറേറ്റിലേക്ക് നേരിട്ട് പ്രവേശനം നൽകുന്ന ഷെയ്ഖ് സായിദ് റോഡിൽ 300 മീറ്റർ പാലം ഒറ്റവരിയായി നിർമ്മിക്കുന്നതാണ് പദ്ധതിയെന്ന് ആർടിഎ എക്‌സിക്യൂട്ടീവ് ഡയറക്‌ടേഴ്‌സ് ബോർഡ് ചെയർമാനും ഡയറക്‌ടർ ജനറലുമായ മാറ്റർ അൽ തായർ പറഞ്ഞു. അബുദാബിയിൽ നിന്നും ജബൽ അലിയിൽ നിന്നും വരുന്ന വാഹന യാത്രക്കാർക്കുള്ള പാർക്കിംഗ് സ്ഥലങ്ങൾ നിർമ്മിക്കുകയും ഉമ്മു സുഖീം കവലയിലെ നിലവിലെ റാമ്പ്, ഉമ്മു സുഖീം സ്ട്രീറ്റിൽ നിന്ന് മാളിൻ്റെ പാർക്കിംഗ് സ്ഥലങ്ങളിലേക്ക് നയിക്കുന്ന നിലവിലുള്ള പാലത്തിലേക്ക് വാഹനങ്ങളുടെ ഗതാഗതം സുഗമമാക്കുന്നതിന് ഇൻ്റർസെക്‌ഷൻ മെച്ചപ്പെടുത്തി തെക്കോട്ട് വീതി കൂട്ടുകയും ചെയ്യും.
മാളിന് ചുറ്റും 2.5 കിലോമീറ്റർ ദൈർഘ്യമുള്ള ഉപരിതല റോഡുകൾ മെച്ചപ്പെടുത്തുക, മൂന്ന് സിഗ്നൽ ചെയ്ത ഉപരിതല കവലകൾ വികസിപ്പിക്കുക, മാൾ ഓഫ് എമിറേറ്റ്സ് മെട്രോ സ്റ്റേഷനിലെ ബസ് സ്റ്റേഷൻ പരിഷ്കരിക്കുക, കെമ്പിൻസ്കി ഹോട്ടലിന് അടുത്തുള്ള തെരുവ് വൺ-വേയിൽ നിന്ന് ടു-വേയിലേക്ക് മാറ്റുക, കാൽനടയാത്രക്കാർക്കും സൈക്ലിംഗ് പാതകൾ മെച്ചപ്പെടുത്തുന്നതിനും ഈ മെച്ചപ്പെടുത്തലുകൾ നടപ്പാത, ലൈറ്റിംഗ്, ട്രാഫിക് സിഗ്നലുകൾ, മഴവെള്ള ഡ്രെയിനേജ് സംവിധാനം, ലാൻഡ്സ്കേപ്പിംഗ് ജോലികൾ എന്നിവയും പദ്ധതിയിൽ ഉൾപ്പെടുന്നുണ്ട്.
പദ്ധതി യാഥാർത്ഥ്യമാകുന്നതോടെ അബുദാബിയിൽ നിന്നും ജബൽ അലിയിൽ നിന്നും മാൾ ഓഫ് എമിറേറ്റ്‌സിലേക്കുള്ള യാത്രാ സമയം 10 മിനിറ്റിൽ നിന്ന് ഒരു മിനിറ്റായി കുറയും. ഉം സുഖീമിൽ നിന്ന് വരുന്ന വാഹനയാത്രക്കാരുടെ സമയം 15 മിനിറ്റിൽ നിന്ന് 8 മിനിറ്റ് വരെയും കുറയുമെന്നും അൽ തായർ കൂട്ടിച്ചേർത്തു.
