64-ന്റെ നിറവിലാണ് മലയാളികളുടെ സ്വന്തം ലാലേട്ടൻ. ഈ അവസരത്തിൽ തന്റെ പ്രിയപ്പെട്ട സുഹൃത്തിന് ജന്മദിനാശംസകൾ അറിയിച്ച് എത്തിയിരിക്കുകയാണ് മെഗാ സ്റ്റാർ മമ്മൂട്ടി. മോഹൻലാലിന് ചുംബനം നൽകുന്ന ചിത്രം പങ്കുവെച്ചാണ് മമ്മൂട്ടി പിറന്നാൾ ആശംസിച്ചിരിക്കുന്നത്.
അർധരാത്രി 12 മണിക്ക് തന്നെ താരം മോഹൻലാലിന് ആശംസയുമായി എത്തി. ‘പ്രിയപ്പെട്ട ലാലിന് പിറന്നാൾ ആശംസകൾ’ എന്ന കുറിപ്പോടെയാണ് മമ്മൂട്ടി ഇരുവരുടെയും ചിത്രം ഫെയ്സ്ബുക്കിൽ പങ്കുവെച്ചത്. ഇതോടെ നിരവധി ആരാധകർ താരത്തിന് ആശംസയുമായി എത്തുകയും ചെയ്തു. മോഹൻലാലിന്റെ എല്ലാ പിറന്നാളിനും മമ്മൂട്ടി മറക്കാതെ ആശംസ അറിയിക്കാറുണ്ട്.
മലയാളത്തിൽ മികച്ച ചിത്രങ്ങൾ സമ്മാനിച്ച തങ്ങളുടെ പ്രിയ താരത്തിന് ജന്മദിനാശംസ നേർന്ന് നിരവധി പേരാണ് എത്തുന്നത്. സിനിമാ മേഖലയിൽ നിന്നും അനവധി താരങ്ങൾ മോഹൻലാലിന് ആശംസ അറിയിക്കുന്നുണ്ട്. തന്റെ 360-ാം ചിത്രത്തിന്റെ ഷൂട്ടിങ് തിരക്കുകളിലാണ് അദ്ദേഹം പിറന്നാൾ ആഘോഷിക്കുന്നത്.
