താത്കാലികമായി നിർത്തിവെച്ച ബസ് സർവ്വീസുകൾ പുനരാരംഭിച്ച് ദുബായ് റോഡ്സ് ആന്റ് ട്രാൻസ്‌പോർട് അതോറിറ്റി. ദുബായ് – ഷാർജ ഇന്റർസിറ്റി ബസ് സർവീസുകളാണ് പുനരാരംഭിച്ചത്.
ദുബായിലെ യൂണിയൻ സ്‌ക്വയർ മെട്രോ സ്റ്റേഷനിൽ നിന്ന് ഷാർജയിലെ അൽ ജുബൈൽ ബസ് സ്റ്റേഷനിലേയ്ക്കുള്ള ബസ് (റൂട്ട് E303), ദുബായിലെ ദെയ്‌റ സിറ്റി സെന്റർ ബസ് സ്റ്റേഷനിൽ നിന്ന് ഷാർജയിലെ അൽ ജുബൈൽ ബസ് സ്റ്റേഷനിലേയ്ക്ക് (റൂട്ട് E307), ദുബായിലെ അബു ഹൈൽ മെട്രോ സ്റ്റേഷനിൽ നിന്ന് ഷാർജയിലെ അൽ ജുബൈൽ ബസ് സ്റ്റേഷനിലേയ്ക്ക് (റൂട്ട് E307A), ദുബായിലെ ഗുബൈബ ബസ് സ്റ്റേഷനിൽ നിന്ന് ഷാർജയിലെ അൽ ജുബൈൽ ബസ് സ്റ്റേഷനിലേക്ക് (റൂട്ട് E306), ദുബായിലെ യൂണിയൻ എത്തിസലാത് മെട്രോ സ്റ്റേഷനിൽ നിന്ന് ഷാർജയിലെ മുവൈല ബസ് സ്റ്റേഷനിലേക്ക് (റൂട്ട് E315) എന്നീ ബസ് റൂട്ടുകളാണ് വീണ്ടും ആരംഭിച്ചിരിക്കുന്നത്.
കുറച്ച് ദിവസങ്ങൾക്ക് മുമ്പ് യുഎഇയിലുണ്ടായ ശക്തമായ മഴയേത്തുടർന്ന് താത്കാലികമായി നിർത്തലാക്കിയ ഇന്റർസിറ്റി സർവീസുകളാണ് ഇപ്പോൾ പുനരാരംഭിച്ചിരിക്കുന്നത്. ഇതിനോടൊപ്പം നിർത്തിവെച്ച ദുബായ്-അബുദാബി ഇന്റർസിറ്റി ബസ് സർവീസുകളും ആർടിഎ പുനരാരംഭിച്ചിട്ടുണ്ട്.
