ഷെയ്ഖ് അഹമ്മദ് അബ്ദുല്ല അൽഅഹമ്മദ് അസ്സബാഹിനെ കുവൈറ്റ് അമീർ ഷെയ്ഖ് മിശ്അൽ അഹ്‌മദ് ജാബിർ അസ്സബാഹ് പ്രധാനമന്ത്രിയായി നിയമിച്ചു. പുതിയ മന്ത്രിസഭയിലെ അംഗങ്ങളെ നാമനിർദ്ദേശം ചെയ്യാൻ അദ്ദേഹത്തെ ചുമതലപ്പെടുത്തുകയും ചെയ്തിട്ടുണ്ട്.l
പാർലമെന്റ് തെരഞ്ഞെടുപ്പ് പൂർത്തിയായതോടെ കുവൈറ്റ് മന്ത്രിസഭ ഏപ്രിൽ ആദ്യ വാരം തന്നെ രാജിവെച്ചിരുന്നു. പ്രധാനമന്ത്രി ഡോ. മുഹമ്മദ് സബാഹ് സാലിം അസ്സബാഹ് കുവൈറ്റ് അമീർ ശൈഖ് മിശ്അൽ അഹമ്മദ് ജാബിർ അസ്സബാഹിനാണ് രാജിക്കത്ത് കൈമാറിയത്. ജനുവരി നാലിനായിരുന്നു ശൈഖ് ഡോ. മുഹമ്മദ് സബാഹ് സലിം അസ്സബാഹിന്റെ നേതൃത്വത്തിലുള്ള മന്ത്രിസഭ അധികാരമേറ്റത്. പുതിയ ഗവൺമെൻറ് അധികാരമേൽക്കുന്നത് വരെ ഈ മന്ത്രിസഭ തുടരും.
