ഹോം ലഗേജ് ഡെലിവറി സേവനം ആരംഭിച്ച് കുവൈറ്റ് ദേശീയ വിമാന കമ്പനിയായ കുവൈറ്റ് എയർവേയ്സ്. ലണ്ടനിൽ നിന്ന് എത്തുന്ന യാത്രക്കാർക്കാണ് തുടക്കത്തിൽ സേവനം ലഭ്യമാവുക. വൈകാതെ തന്നെ ഹോം ലഗേജ് ഡെലിവറി സേവനം മറ്റ് യാത്രക്കാർക്കും ലഭ്യമാക്കുമെന്ന് എയർവേയ്സ് അധികൃതർ അറിയിച്ചു. ടേക്ക് ഓഫിന് 12 മണിക്കൂർ മുമ്പ് വെബ്സൈറ്റ് വഴിയോ അപ്ലിക്കേഷൻ വഴിയോ സേവനം ലഭ്യമാക്കാൻ അഭ്യർത്ഥിക്കണം.
ഉപഭോക്താക്കൾക്ക് യാത്രകൾ എളുപ്പമാക്കുന്നതിന്റെയും മികച്ച സേവനം നൽകുന്നതിന്റെയും ഭാഗമായാണ് പുതിയ സൗകര്യം ഒരുക്കിയതെന്ന് കുവൈറ്റ് എയർവേയ്സ് ചെയർമാൻ അബ്ദുൽ മുഹ്സിൻ സാലിം അൽ ഫഖാൻ അറിയിച്ചു. മാത്രമല്ല, വേനൽക്കാലങ്ങളിലെ തിരക്ക് കണക്കിലെടുത്ത് കൂടുതൽ വിമാന സർവീസുകൾ ആരംഭിക്കാനും പദ്ധതിയുണ്ടെന്ന് കുവൈറ്റ് എയർവേയ്സ് അധികൃതർ കൂട്ടിച്ചേർത്തു.
