യുഎഇയിൽ പെരുന്നാൾ ആഘോഷങ്ങൾ ആരംഭിച്ചുകഴിഞ്ഞു. ഇതിനിടെ ഈദുൽ ഫിത്തറുമായി ബന്ധപ്പെട്ട് ഷാർജയിലെ മെഡിക്കൽ ഫിറ്റ്നസ് സെന്ററുകൾക്ക് അവധി അനുവദിച്ചു.
ഇന്ന് മുതൽ 14 വരെ എമിറേറ്റിലെ മെഡിക്കൽ ഫിറ്റ്നസ് സെന്ററുകൾ പ്രവർത്തിക്കില്ലെന്നാണ് ഷാർജ മുനിസിപ്പാലിറ്റി അറിയിച്ചത്. ഒരാഴ്ചത്തെ അവധിക്ക് ശേഷം ഏപ്രിൽ 15 മുതൽ മെഡിക്കൽ ഫിറ്റ്നസ് സെന്ററുകൾ പ്രവർത്തനം പുനരാരംഭിക്കുമെന്നും അധികൃതർ അറിയിച്ചു.
ഇതിന് പുറമെ ജുബൈലിലെ വെറ്ററിനറി ക്ലിനിക്കുകൾക്ക് ഇന്ന് മുതൽ 12 വരെ അവധിയായിരിക്കുമെന്നും ഏപ്രിൽ 13 മുതൽ അവ തുറന്ന് പ്രവർത്തിക്കുമെന്നും മുനിസിപ്പാലിറ്റി അറിയിച്ചു.
