അടുത്ത മാസം മുതൽ അബുദാബിയിൽ നിന്ന് കേരളത്തിലേക്ക് പുതിയ നോൺ-സ്റ്റോപ്പ് പ്രതിദിന സർവീസുമായി ഇൻഡിഗോ. മെയ് 9 മുതൽ, കണ്ണൂരിനെയും അബുദാബിയെയും ബന്ധിപ്പിക്കുന്ന നോൺ-സ്റ്റോപ്പ് പ്രതിദിന വിമാനങ്ങൾ ഉണ്ടാകും.
കണ്ണൂരിൽ നിന്ന് പുലർച്ചെ 12.40ന് പുറപ്പെടുന്ന വിമാനം പുലർച്ചെ 2.35ന് അബുദാബിയിലെത്തും. തിരിച്ചുള്ള വിമാനം അബുദാബിയിൽ നിന്ന് പുലർച്ചെ 3.45ന് പുറപ്പെട്ട് 8.40ന് കണ്ണൂരിലെത്തും.
ഈ സർവ്വീസിനൊപ്പം, ഇൻഡിഗോ ഇന്ത്യയിലെ 8 നഗരങ്ങളിൽ നിന്ന് അബുദാബിയിലേക്ക് 56 പ്രതിവാര സർവ്വീസുകൾ നടത്തും. ഇത് ഇരു രാജ്യങ്ങളും തമ്മിലുള്ള യാത്ര, വ്യാപാരം, ടൂറിസം എന്നിവ പ്രോത്സാഹിപ്പിക്കും.വരാനിരിക്കുന്ന വേനലവധിക്കാലത്ത് യാത്രക്കാർക്ക് കൂടുതൽ യാത്രാ ഓപ്‌ഷനുകൾ വാഗ്ദാനം ചെയ്യുന്നതാണ് കണ്ണൂരിലേക്കുള്ള പുതിയ സർവീസ്.
