റാസൽഖോർ റോഡ് നാലുവരിയായി ഉയർത്താനുള്ള പദ്ധതി പൂർത്തിയാക്കി ദുബായ് റോഡ്‌സ് ആൻഡ് ട്രാൻസ്പോർട്ട് അതോറിറ്റി (ആർ.ടി.എ.). ബു കദ്ര ഇന്റർസെക്ഷൻ മുതൽ അൽ ഖൈൽ റോഡ് ഇന്റർസെക്ഷൻ വരെ ഇരു ദിശകളിലുമായി മൂന്ന് കിലോമീറ്റർ നീളത്തിലാണ് പുതിയ പാത നിർമിച്ചത്.
ദുബായ്-അൽ ഐൻ റോഡിൻ്റെ ദിശയിലുള്ള റാസൽഖോർ റോഡിലെ കലക്ടർ റോഡും ഏപ്രിൽ തുടക്കത്തോടെ ഒന്നിൽ നിന്ന് രണ്ടായി അതോറിറ്റി വികസിപ്പിക്കും. ദുബായുടെ അടിസ്ഥാന സൗകര്യങ്ങൾ നവീകരിക്കാനുള്ള ആർടിഎയുടെ ശ്രമങ്ങളുടെ ഭാഗമാണ് ഈ പദ്ധതി. ഇതിലൂടെ ഗതാഗതം മെച്ചപ്പെടുത്താനും മണിക്കൂറിൽ 6000 മുതൽ 8000 വാഹനങ്ങൾക്ക് സുഗമമായി കടന്നുപോകാനും കഴിയും.
കൂടാതെ യാത്രാസമയം 33 ശതമാനം വരെ കുറയ്ക്കുമെന്നും വിലയിരുത്തുന്നു. ഏകദേശം 6,50,000 ആളുകളെ ഉൾക്കൊള്ളുന്ന വലിയ പാർപ്പിട, വ്യവസായ മേഖലയാണ് റാസൽഖോർ. ദുബായ് – അൽ ഐൻ റോഡിന്റെ ബൈപ്പാസ് ലെയ്‌ൻ നവീകരണം അടുത്തയാഴ്ച ആരംഭിക്കാനും ആർ.ടി.എ.ക്ക് പദ്ധതിയുണ്ട്. ഇതുവഴി വാഹനശേഷി മണിക്കൂറിൽ 2000 ആയി ഉയർത്താനും ഗതാഗത ഒഴുക്ക് വർധിപ്പിക്കാനും കഴിയുമെന്നാണ് പ്രതീക്ഷ.
Dubai’s #RTA has completed the Ras Al Khor Road Widening Project from 3 to 4 lanes along a 3 km stretch in both directions. Works extend from the Bu Kadra intersection to the Al Khail Road intersection. RTA will widen the collector road for Turning movements on Ras Al Khor Road… pic.twitter.com/SPQDWVOCaJ
— RTA (@rta_dubai) March 28, 2024
