യുഎഇയിലെ കനത്ത മഴയ്ക്ക് പിന്നാലെ ദുബായ് ഫെറി, വാട്ടർ ടാക്സി സർവീസുകൾ നിർത്തിവച്ചു. ഇനിയൊരു അറിയിപ്പ് ഉണ്ടാകുന്നത് വരെ ദുബായിൽ അബ്രാകളും വാട്ടർ ടാക്‌സികളും ഫെറികളും പ്രവർത്തിക്കില്ലെന്ന് റോഡ്‌സ് ആൻഡ് ട്രാൻസ്‌പോർട്ട് അതോറിറ്റി (ആർടിഎ) അറിയിച്ചു.
ദുബായിൽ കനത്ത മഴയും ഇടിമിന്നലിനെയും തുടർന്ന് കടൽ ഗതാഗതം നിർത്തിവച്ചു. ഇന്ന് വൈകുന്നേരം വരെ മഴ കനക്കുമെന്ന് ഉ പ്രതീക്ഷിക്കുന്നതിനാൽ താമസക്കാരോട് വീട്ടിൽ തന്നെ തുടരാൻ നിർദ്ദേശം നൽകി. ഞായറാഴ്ച ഉച്ചവരെ മഴ തുടരുമെന്നാണ് പ്രവചനം.
ഈ സാഹചര്യത്തിൽ വാഹനമോടിക്കുന്നവർ റോഡുകളിൽ കൂടുതൽ ജാഗ്രത പാലിക്കണമെന്നും അധികൃതർ നിർദ്ദേശം നൽകി.
