സാമ്പത്തിക കേസുകളിൽ ശിക്ഷിക്കപ്പെട്ട 131 കേസുകളുടെ കടം തീർക്കാൻ 69.426 ദശലക്ഷം ദിർഹം തുക അനുവദിച്ച് ഷാർജ ഭരണാധികാരി. പൗരന്മാർക്ക് സുസ്ഥിരവും മാന്യവുമായ ജീവിതം പ്രദാനം ചെയ്യുക എന്ന ലക്ഷ്യത്തോടെയാണ് തുക അനുവദിച്ചതെന്ന് ഷാർജ ഭരണാധികാരിയും സുപ്രീം കൌൺസിൽ അംഗവുമായ ഡോ. ശൈഖ് സുൽത്താൻ ബിൻ മുഹമ്മദ് അൽ ഖാസിമി വ്യക്തമാക്കി.
ഷാർജ ഭരണാധികാരിയുടെ നിർദ്ദേശാനുസരണം കടം തീർപ്പാക്കൽ കമ്മിറ്റി (എസ്ഡിഎസ്സി )യാണ് തുക അനുവദിച്ചത്.കമ്മറ്റിയുടെ ആദ്യ ബാച്ച് മുതൽ 26-ാം ബാച്ച് വരെ പ്രോസസ്സ് ചെയ്ത മൊത്തം തുക 1,196,560,153 ദിർഹമാണെന്നും മൊത്തം ഗുണഭോക്താക്കളുടെ എണ്ണം 2,343 ഗുണഭോക്താക്കളിൽ എത്തിയെന്നും എസ്ഡിഎസ്സി ചെയർമാൻ റാഷിദ് അഹമ്മദ് ബിൻ അൽ ശൈഖ് സ്ഥിരീകരിച്ചു.
