പൂച്ചെണ്ടുകൾ ഇഷ്ടപ്പെടാത്ത ആരുണ്ട്? പല വർണ്ണത്തിലും വലുപ്പത്തിലുമുള്ള പൂക്കളുടെ നിറഞ്ഞ ബൊക്കെകൾ കാണാൻ തന്നെ എന്തൊരു ഭംഗിയാണ്. മനസ്സിന് കുളിർമ്മ നൽകുന്ന കാഴ്ചയാണ്.
പ്രകൃതിദത്ത പുഷ്പങ്ങളുടെ ഗിന്നസ് റെക്കോർഡ് നേടിയ പൂച്ചെണ്ട് കണ്ടിട്ടുണ്ടോ? അബുദാബി അൽ ഐൻ മുനിസിപ്പാലിറ്റിയാണ് വിവിധതരം പ്രകൃതിദത്ത പൂക്കളുപയോഗിച്ച് ലോകത്തിലെ ഏറ്റവുംവലിയ പൂച്ചെണ്ടൊരുക്കി ഗിന്നസ് ലോകറെക്കോഡ് സ്വന്തമാക്കിയത്.
ഏഴായിരത്തിലേറെ പൂക്കളുള്ള പൂച്ചെണ്ട് അൽ ഐൻ ജാഹിലി പാർക്കിലെ പുഷ്പമേളയിലാണ് പ്രദർശിപ്പിച്ചിട്ടുള്ളത്. 49 മീറ്റർ വിസ്തീർണ്ണത്തിലുള്ള പൂച്ചെണ്ടിന് ഏഴുമീറ്റർ ഉയരമുണ്ട്. മാർച്ച് 14 വരെയാണ് അൽ ഐൻ ഫ്ലവർ ഫെസ്റ്റിവൽ നടക്കുക.
