മസ്‌കറ്റിലെ ഇന്ത്യൻ പ്രവാസികൾക്ക് വേണ്ടിയുള്ള ഇന്ത്യന്‍ എംബസിയുടെ ഓപ്പൺ ഹൗസ് ഫെബ്രുവരി 16 വെള്ളിയാഴ്ച നടക്കും. എംബസി ഹാളില്‍ ഉച്ചക്ക് 2.30 മുതൽ വൈകുന്നേരം നാല് മണി വരെയാണ് ഓപ്പൺഹൗസ് നടക്കുക. അംബാസഡര്‍ അമിത് നാരംഗും മറ്റു ഉദ്യോഗസ്ഥരും ഓപ്പൺഹൗസിൽ സംബന്ധിക്കും.
പ്രവാസികളായ ഇന്ത്യക്കാര്‍ക്ക് പരാതികളും സഹായങ്ങള്‍ ആവശ്യമുള്ള വിഷയങ്ങളും നേരിട്ട് എംബസി അധികൃതരെ അറിയിക്കാനുമണ് എല്ലാം മാസവും ഓപ്പൺഹൗസുകൾ നടത്തുന്നത്. മുന്‍കൂട്ടി അനുമതി നേടാതെയും ഓപ്പൺ ഹൗസില്‍ പങ്കെടുക്കാൻ കഴിയും. നേരിട്ട് പങ്കെടുക്കാന്‍ സാധിക്കാത്തവര്‍ക്ക് 98282270 എന്ന നമ്പറില്‍ ഓപ്പണ്‍ ഹൗസ് സമയത്ത് വിളിക്കാമെന്നും അധികൃതര്‍ അറിയിച്ചു.
