വിശപ്പ് പിടിച്ചു നിർത്താൻ കഴിയാത്ത വികാരമാണ്. അതുകൊണ്ട് തന്നെ കഴിക്കാൻ ആഗ്രഹിക്കുന്ന ഭക്ഷണം ഉടൻ വീട്ടിലെത്തുന്ന ഓൺലൈൻ സംവിധാനങ്ങളെയാണ് ഇന്ന് പലരും ആശ്രയിക്കാറുള്ളത്. അത്തരത്തിൽ ദുബായിലെ ജനങ്ങൾക്ക് ഞൊടിയിടയിൽ കാര്യങ്ങൾ ചെയ്യാൻ സഹായിക്കുന്ന ഒരു ഓൺലൈൻ സംവിധാനമാണ് കരീം ആപ്പ്.
ദുബായ് ആസ്ഥാനമായുള്ള ഈ സൂപ്പർ ആപ്പ് കഴിഞ്ഞ വർഷം ഭക്ഷണം വൈകുന്ന ഓരോ മിനിറ്റിനും ഉപഭോക്താക്കൾക്ക് 1 ദിർഹം തിരികെ നൽകുമെന്ന് വാഗ്ദാനം ചെയ്തിരുന്നു. ഇതിന്റെ അടിസ്ഥാനത്തിൽ ഉപഭോക്താക്കൾക്ക് അവരുടെ വരവ് കണക്കാക്കിയ സമയത്തേക്കാൾ കൂടുതലുള്ള ഭക്ഷണ ഓർഡറുകൾക്ക് 709,000 ദിർഹം തിരികെ നൽകിയതായി കരീമിലെ ഫുഡ് വൈസ് പ്രസിഡന്റ് ജസ്കരൻ സിംഗ് അറിയിച്ചു.
ക്യാപ്റ്റൻമാർ എന്നറിയപ്പെടുന്ന ഫുഡ് ഡെലിവറി റൈഡർമാരുടെ വേതനത്തിൽ നിന്നല്ല ഈ പണം കൊടുത്തതെന്നും കമ്പനിയുടെ മാർക്കറ്റിംഗ് ബജറ്റിൽ നിന്നാണ് ഈ റീഇംബേഴ്സ്‌സ്‌ഡ് പണം നൽകിയതെന്നും കരീം പറഞ്ഞു. എന്നിരുന്നാലും 2022-ലും 2023- ലും കരീം ഫുഡ് ഓർഡറുകളിൽ ഭൂരിഭാഗവും കൃത്യസമയത്ത് ഡെലിവർ ചെയ്തിട്ടുണ്ട്. 20- ൽ ഒന്ന് മാത്രമേ എത്തിച്ചേരുമെന്ന് കണക്കാക്കിയ സമയം മറികടന്നിട്ടുള്ളൂ
ഡെലിവറി റൈഡർമാരിൽ അധിക സമ്മർദ്ദം ചെലുത്തുന്നതിനു പകരം അവരുടെ സുരക്ഷിതത്വത്തെ പ്രോത്സാഹിപ്പിക്കുകയും സുരക്ഷിതമായി വാഹനമോടിക്കുന്നവർക്ക് ബോണസ് നൽകുകയും ചെയ്തിരുന്നുവെന്നും കമ്പനി പറയുന്നു
