വിമാനം വൈകുന്നത് തുടർക്കഥയാവുന്നു. ഷാർജ-കോഴിക്കോട് എയർ ഇന്ത്യ വിമാനം ആറു മണിക്കൂറിലേറെ വൈകുമെന്ന് അധികൃതർ അറിയിച്ചു. ഇന്ന് വൈകുന്നേരം 4.30ന് പുറപ്പെടേണ്ട എയർ ഇന്ത്യ എക്‌സ്പ്രസ് IX 352 എന്ന വിമാനമാണ് പുറപ്പെടേണ്ട സമയം കഴിഞ്ഞിട്ടും വൈകുന്നത്.
വൈകിയ വിമാനം ഇന്ന് രാത്രി 10.45നായിരിക്കും യാത്ര പുറപ്പെടുക. യാത്രക്കാർ വിമാനത്താവളത്തിൽ എത്തിയ ശേഷമായിരുന്നു ഈ അറിയിപ്പ് ലഭിച്ചത്. ഇതോടെ യാത്രക്കാർ ദുരിതത്തിലായിരിക്കുകയാണ്.
